Neo Nomad Visa alýǵa ótinish berýshilerge qandaı talap qoıylady

ASTANA. KAZINFORM – Týrızm jáne sport mınıstrligi Neo Nomad Visa alýǵa ótinish berýshilerge qandaı talap qoıylatynyn aıtty. 

«Búgingi kúni Neo Nomad Visa engizý josparlanýda. Ol úshin mınıstrlik múddeli memlekettik organdarmen birlesip, iske asyrý tetikterin jáne qajetti qujattaryn pysyqtap jatyr. Bul vızanyń ıegeri tabysy keminde 3 myń AQSh dollaryn quraıtyn TOP-50 damyǵan eldiń azamattary (elderdiń tizbesi naqtylanýy múmkin), sondaı-aq sottylyǵy joq, Qazaqstan aýmaǵynda jalǵa alynǵan jyljymaıtyn múlik jáne jaramdy medıtsınalyq saqtandyrýy bar tulǵalar bola alady. Vızanyń qoldanylý merzimin taǵy bir jylǵa uzartý múmkindigi beriledi», - dep atap ótti mınıstrlikten agenttiktiń resmı saýalyna oraı.

Vedomstvonyń málimetinshe, atalǵan vızany alýǵa ótinish berýshilerge mynadaı negizgi talaptar (tizim áli naqtylanady) qoıylmaq: 

– 23 jastan asqan (ózgertilýi múmkin);

– sottylyqtyń bolmaýy; 

– shetelden 3 myń dollardan kem emes zańdy tabysynyń bolýy. 

– Qazaqstan aýmaǵynda jalǵa alynǵan jyljymaıtyn múlkiniń bolýy; 

– medıtsınalyq saqtandyrýdyń bolýy. 

Aıta keteıik, Týrızm jáne sport mınıstri Ermek Marjyqpaev qazirgi zamanǵy kóshpendilerdiń vızasyn engizý máselesi qaralyp jatqanyn aıtqan bolatyn.