Nemis avtokólik ónerkásibi daǵdarysqa ushyrady
ASTANA. KAZINFORM — Volkswagen men Mercedes qarjylyq aýyrtpalyqpen kúresip jatyr. Bul týraly DW jazdy.
Elektr kólikterine salynǵan ınvestıtsııa tutynýshylardyń tómen suranysyna baılanysty ózin aqtamaı otyr. Nátıjesinde iri avtoóndirýshiler ondaǵan myń qyzmetkerin jumystan shyǵarǵan.
Nemistiń ónerkásibi bul máseleden bólek, akkýmýlıator óndirisi tehnologııasynda aıtarlyqtaı jetistikterge jetken Qytaımen básekege túsip otyr.
— Nemis óndirýshileri úshin elektromobıl óndirisiniń quny ózekti másele. Sondyqtan biz óndiristi ýaqytsha toqtatýdamyz. Qytaı akkýmýlıatorlyq tehnologııa óndirisi boıynsha áldeqaıda alda. Nemistiń birde-bir avtokólik óndirýshisi aldaǵy 3-4 jylda onymen básekeles bola almaıdy, — deıdi avtokólik jasaý salasyndaǵy sarapshy Danıel Kırhert.
Buǵan deıin Volkswagen Qytaıdaǵy zaýytyn jabatyny týraly jazǵan edik.