«Nemereńiz jol apatyna ushyrady»: ShQO-da zeınetker alaıaqtardyń arbaýyna túspedi
ÓSKEMEN. KAZINFORM – Shyǵys Qazaqstan oblysynda 74 jastaǵy qart áıeldi alaıaqtar aldamaq bolǵan.
Óskemen qalasynda turatyn zeınetkerdiń uıaly telefonyna qońyraý shalǵan belgisiz bireý nemeresiniń jol apatyna ushyraǵanyn, aqsha berse bul máseleni sheshýge bolatyndyǵyn jetkizgen.
Sanasyn ýaıym torlaǵan 74 jastaǵy turǵyn barlyq jıǵan-tergen aqshasyn alyp, sol adamdy kelisilgen jerde kútken. Biraq kenet senimsizdik uıalap, emotsııaǵa berilmeı, osy qońyraý týraly óziniń ýchaskelik polıtsııa ınspektoryna habarlaýǵa sheshim qabyldaǵan.
«Polıtsııa aǵa leıtenanty Berik Máýseıitov egde jastaǵy áıeldi alaıaqtar aldap turǵanyn túsinip, ony eshbir jaǵdaıda aqsha bermeýge kóndirgen. Osylaısha, zeınetker qurban bolmaı, aqshasy ózinde qaldy», - dep habarlady ShQO polıtsııa departamentinen.
Osy rette, polıtsııa azamattardy árdaıym qyraǵy jáne muqııat bolýǵa, eshbir jaǵdaıda beıtanys adamdarǵa aqshasyn, jeke derekterin (aty-jóni, JSN, karta nómiri, jeke kýálik nómiri jáne t.b.) bermeýge jáne kúmándi qosymshalardy júktemeýge shaqyrady.
