Negizgi UBT-ǵa ótinish qabyldaý bastaldy
Negizgi UBT-ǵa ótinishterdi qabyldaý 6-14 mamyr aralyǵynda júzege asyrylady. Testileýdiń ózi 16 mamyrda bastalyp, 5 shildege deıin jalǵasady.
Degenmen, tótenshe jaǵdaı rejımi jarııalanǵan 6 óńirde (Aqmola, Aqtóbe, Atyraý, Batys Qazaqstan, Qostanaı, Soltústik Qazaqstan oblystary) tirkelý ýaqyty uzartylady jáne 6-20 mamyr aralyǵynda, UBT 25 mamyr men 12 shilde aralyǵynda ótkiziledi.
Ǵylym jáne joǵary bilim mınıstrliginiń sheshimimen 2024 jyly talapkerler negizgi UBT-ny eki ret tapsyryp, eń úzdik nátıjemen grant konkýrsyna qatysa alady.
UBT-ǵa qatysý úshin Ulttyq testileý ortalyǵynyń app.testcenter.kz saıty nemese UTO qosymshasy arqyly tirkelýge bolady.
Talapkerler testileý kúnin, ýaqytyn jáne pýnktin ózderi tańdaıdy.
Bul rette olar eki múmkindik úshin beıindik pánderdiń bir ǵana kombınatsııasyn belgileıdi.
Talapkerlerdiń negizgi UBT-ǵa daıyndyǵyn jaqsartý maqsatynda osyǵan deıin ár pán boıynsha jeke taqyryptyq taldaý engizildi.
ıAǵnı, ár UBT-dan keıin (qańtar, naýryz) túlekterge jeke taqyryptar boıynsha bilimderin arttyrý usynylady. Sonymen qatar, birinshi múmkindikti tapsyrǵannan keıin olar ekinshi múmkindikke deıin daıyndyqtaryn jaqsarta alady.
Odan bólek, onlaın baıqaý synaqtary iske qosylǵan. Bilim ortalyqtarymen birlesip uıymdastyrylǵan tegin onlaın sabaqtar jalǵasýda.
Al oqý jylynyń basynda UTO saıtynda test tapsyrmalary qurastyrylǵan oqýlyqtar tizimi men test jospary; «Qazaqstan tarıhy» jáne «Dúnıejúzi tarıhy» boıynsha 100 tarıhı data tizimi; «Informatıka» páninen termınder tizimi; «Qazaq ádebıeti» jáne «Orys ádebıeti» boıynsha ádebı shyǵarmalar tizimi jarııalandy.
Testileý formatynda ózgeris joq. 2024 jylǵy talapkerler úsh mindetti jáne tańdaý boıynsha eki pánnen test tapsyrady.
«Oqý saýaty» men «Matematıkalyq saýat» mindetti pánderinen tapsyrmalar sany 5 suraqqa qysqardy.
Bul beıindik pánder boıynsha suraqtar sanyn 40-qa deıin arttyrýǵa múmkindik berdi. Sondaı-aq beıindik pánderde berilgen tizimnen sáıkestikti anyqtaýǵa arnalǵan 5 tapsyrma qosyldy.
Osylaısha, UBT tapsyrmalar sany ózgerissiz qalady, jalpy 120 suraq.
Onyń ishinde «Qazaqstan tarıhynan» 20 tapsyrma, «Oqý saýatynan» 10 tapsyrma, «Matematıkalyq saýattan» 10 tapsyrma jáne eki beıindik pán boıynsha 40 tapsyrma. Joǵary ball — 140, ol da ózgerissiz qaldy.
Testileýdiń jalpy ýaqyty — 4 saǵat (240 mınýt). Sonymen qatar erekshe bilim berý qajettilikteri bar balalarǵa qosymsha 40 mınýt ýaqyty saqtalady.
Akademııalyq adaldyqty qamtamasyz etý maqsatynda test nusqalary tańbalanǵanyn atap ótken jón.
ıAǵnı, UBT-ǵa qatysýshylardyń árqaısysynyń jeke test nusqasy bolady. Sonymen qatar, kalkýlıator, Hımııalyq elementterdiń perıodtyq júıesi men tuzdardyń erigishtik kestesi kompıýter ekranynda qoljetimdi etiledi.
Talapkerlerdiń pikiri men qalaýyn eskere otyryp, olarǵa kestelerdiń qaǵaz nusqasy beriledi.
Test tapsyrýshylar testileý aıaqtalǵannan keıin 30 mınýt ishinde apellıatsııaǵa ótinish bere alady. Sertıfıkat appelıatsııalyq komıssııanyń sheshiminen keıin talapkerdiń jeke kabınetinde qoljetimdi bolady.
Shekti ball ózgergen joq: «Quqyq» jáne «Pedagogıkalyq ǵylymdar» bilim salalary úshin keminde 75 ball, «Densaýlyq saqtaý jáne áleýmettik qamtamasyz etý (medıtsına)» keminde 70 ball, «Aýyl sharýashylyǵy jáne bıoresýrstar», «Veterınarııa» keminde 60 ball (ulttyq joo úshin); ulttyq joǵary oqý oryndaryna túsý úshin keminde 65 ball, basqa joǵary oqý oryndaryna keminde 50 ball jınaý kerek.
Testileýge kirgizý kezinde qol jáne ramalyq metall izdegishter paıdalanylady.
Bul talapkerlerdiń qaýipsizdigin qamtamasyz etip, erejelerdi buzý men tyıym salynǵan zattardy (uıaly telefon, shpargalka jáne t. b.) alyp ótýdiń aldyn alý úshin qajet.
Testileý barysynda aýdıtorııanyń jáne beınebaqylaýdyń aýdanyna baılanysty ruqsat etilgen magnıttik tolqyndar sheginde utqyr jáne radıoelektrondyq baılanys sıgnaldaryn basatyn qurylǵylar qoldanylady.
