Nazym Qyzaıbaı bokstan Qazaqstan chempıony atandy
ASTANA. KAZINFORM - Nazym Qyzaıbaı Qaraǵandy qalasynda ótip jatqan eresekter arasyndaǵy Qazaqstan birinshiliginde chempıon atandy.
Qos dúrkin álem chempıony, 2024 jylǵy Olımpıada oıyndarynyń qola júldegeri Nazym Qyzaıbaı (48 keli) búgin fınalda qyzylordalyq Aqbota Bolatpen qolǵap túıistirýi kerek edi.
Alaıda qyzylordalyq sportyshynyń alǵan jaraqatyna baılanysty jekpe-jek ótpeıtin boldy. Sondyqtan Nazym Qyzaıbaı 2024 jylǵy Qazaqstan chempıony atandy.
Nazym Qyzaıbaı jartylaı fınalda Ánel Qudaıbergendi (Jetisý oblysy) tize búktirgen edi.
Aıta ketsek, búgin Qazaqstan birinshiliginde fınaldyq jekpe-jekter ótedi.
Eske salsaq, eresekter arasynda bokstan Qazaqstan chempıonatynda alǵash ret sharshy alańǵa shyqqan Tórehan Sabyrhan (67 keli) fınalǵa deıin jetti.