Nazym Qyzaıbaı álem kýbogynda chempıon atandy

ASTANA. KAZINFORM — Astanada ótip jatqan World Boxing aıasyndaǵy álem kýbogynda Nazym Qyzaıbaı (48 keli) alǵashqy altyndy qorjynǵa saldy.

Назым Қызайбай әлем кубогында чемпион атанды
Фото: Қазақстан ҰОК

Qazaqstandyq boksshy fınalda úndistandyq Mınakshı Mınakshımen qolǵap túıistirdi.

Jekpe-jek tartysty ótti. Nazymnyń qarsylasy da soqqyny kóbirek jumsaýǵa tyrysty. Ol alǵashqy eki raýndty óz paıdasyna aıaqtady. Nátıjesinde Nazym álem kýbogynyń jeńimpazy atandy.

Nazym Qyzaıbaı qazaqstandyq boksshylardan alǵash ret úsh dúrkin álem chempıony atanyp, tarıhqa endi. Buǵan deıin erler arasynda da eshkim mundaı tabysqa jetken emes.

Budan buryn Nazym álem birinshiliginde 2014 jáne 2016 jyldary top jarǵan edi. Sondaı-aq ol 2021 jyly Azııa chempıony atanyp, 2024 jyly Parıj Olımpıadasynda qola júldege qol jetkizdi.

Aıta ketsek, qazirge deıin Alýa Balqybekova (51 keli), Nurbek Oralbaı (80 keli), Mahmud Sabyrhan (55 keli), Vıktorııa Grafeeva (60 keli), Natalıa Bogdanova (70 keli), Sanjar Táshkenbaı (50 keli), Bekzad Nurdáýletov (85 keli), Nadejda Rıabets (75 keli), Sabyrjan Aqqalyqov (75 keli), Eldana Tálipova (80 keliden joǵary), Aıbek Oralbaı (90 keliden joǵary) altyn júldeni sarapqa salýǵa múmkindik aldy.

Al el quramasynan Ertýǵan Zeınýllınov (65 keli), Aıdana Zabynbekova (57 keli), Aıda Ábikeeva (65 keli), Saǵyndyq Toǵambaı (90 keli) qola júldeni qanaǵat tutty.

Álem kýbogy jyl boıyna birneshe kezeńmen ótkiziledi. Reıtıngilik saıysta ár salmaq dárejesinde jeńimpazǵa 300, ekinshi orynǵa 200, qos qola júldegerge 150 upaıdan beriledi.

Álem kýbogy 30 maýsym men 6 shilde aralyǵynda ótedi.

Сейчас читают