Qazaqstandyq tórt joǵary oqý orny Times Higher Education reıtıngine endi

ASTANA. KAZINFORM – 2025 jylǵy álemdik ýnıversıtetterdiń pándik reıtıngi jarııalandy, dep habarlaıdy QR Ǵylym jáne joǵary bilim mınıstrliginiń baspasóz qyzmeti.

Назарбаев Университеті
Фото: Назарбаев Университеті

Reıtıngide 11 pándik sala boıynsha myńdaǵan joǵary oqý oryndary usynylǵan.

Tórt jetekshi qazaqstandyq joǵary oqý orny Nazarbayev University (NU), ál-Farabı atyndaǵy QazUÝ, L.Gýmılev atyndaǵy EUÝ men Sátbaev ýnıversıteti 9 baǵytta oryn aldy.

Nazarbayev University Times Higher Education jańa reıtıngisinde «Bilim berý» baǵyty boıynsha álemniń úzdik oqý oryndarynyń qataryna endi.

Baǵalanatyn 11 baǵyttyń ishinde NU-dyń 9 baǵdarlamasy úzdik 500-ge jetti. Reıtıng ýnıversıtetterdi oqytý, ǵylymı qyzmet, zertteý sapasy, ındýstrııamen yntymaqtastyq jáne ınternatsıonaldandyrý dárejesi sııaqty negizgi krıterııler boıynsha baǵalaıdy. Sondaı-aq NU bilim berý salasyndaǵy álemdegi úzdik 200 ýnıversıtettiń qataryna kirip, Ortalyq Azııa kóshbasshylarynyń birine aınalǵanyn atap ótken jón.

QR Ǵylym jáne joǵary bilim mınıstri Saıasat Nurbek NU Joǵary bilim jáne medıtsına mektebiniń qyzmetkerleri men stýdentterin reıtıngtegi úzdik nátıjelerimen quttyqtady.

«Times Higher Education 2025 pándik reıtıngi boıynsha bilim berý salasyndaǵy úzdik 200 álemdik kóshbasshylarynyń qataryna engenderińiz qutty bolsyn! Bul jetistik sizderdiń kásibılikterińizdiń, adaldyqtaryńyzdyń jáne akademııalyq belsendilikterińizdiń aıqyn dáleli», – dep atap ótti ol.

2024 jyly NU alǵash ret 501-600 dıapazonynda oryn alyp, THE bedeldi reıtıngine endi.

Sondaı-aq basqa qazaqstandyq joǵary oqý oryndarynyń jetistikterin de atap ótken jón. Times Higher Education by Subject pándik reıtınginiń qorytyndysy boıynsha ál-Farabı atyndaǵy QazUÝ jáne L.Gýmılev atyndaǵy EUÝ da 11 baǵdarlamanyń 9-y boıynsha pozıtsııalardy ıelendi.

Ál-Farabı atyndaǵy QazUÝ alǵash ret «Bilim berý» baǵyty boıynsha 501-600 oryn aldy. QazUÝ «Óner jáne gýmanıtarlyq ǵylymdar» baǵytynda 501-600 orynǵa, «Áleýmettik ǵylymdar» boıynsha 601-800 orynǵa ornalasty. Sonymen qatar «Bıznes jáne ekonomıka», «Medıtsına» pánderi boıynsha 601-800 oryndaǵy óz pozıtsııasyn sátti saqtap, «Ómir ǵylymdary» baǵytynda 801-1000 orynǵa kóterildi.

2025 jylǵa arnalǵan pánder boıynsha ýnıversıtetterdiń álemdik reıtınginde L.N.Gýmılev atyndaǵy Eýrazııa ulttyq ýnıversıteti «Óner jáne gýmanıtarlyq ǵylymdar» jáne «Kompıýterlik ǵylymdar» pánderi boıynsha 601+ sanatynda. EUÝ-dyń eki jańa páni – «Óner jáne gýmanıtarlyq ǵylymdar» jáne «Kompıýterlik ǵylymdar» pánderi bıyl alǵash ret osy reıtıngke endi.

2025 jylǵy serpilis Sátbaev Ýnıversıteti bolyp otyr, ol «Injenerııa» (1250+ oryn) jáne «Fızıka» (1000+ oryn) atty eki baǵdarlamasy boıynsha oryn aldy.

Osyǵan deıin Ǵylym jáne joǵary bilim mınıstrligi sapasyz bilim beretin JOO-lardy qysqartý jalǵasatynyn aııtqan bolatyn.

 

Сейчас читают