Nazarbaev atyndaǵy ýnıversıtettiń ataýy ózgeretin boldy

ASTANA. KAZINFORM – «Ashyq NQA» portalynda Ǵylym jáne joǵary bilim mınıstrliginiń Tuńǵysh Prezıdent – Elbasy atyndaǵy Ulttyq qorǵanys ýnıversıtetiniń ataýyn ózgertýge arnalǵan qaýly jobasy talqylanyp jatyr.

Túzetýge ushyraıtyn qujattyń ataýy - «Joǵary jáne (nemese) joǵary oqý ornynan keıingi bilim berý uıymdarynyń erekshe mártebesi týraly erejeni bekitý týraly» Úkimet qaýlysy.

Qaýlyǵa Ulttyq qordan balalarǵa arnalǵan qarajatty esepteý, tóleý jáne paıdalaný máseleleri boıynsha ózgerister men tolyqtyrýlar engizýdi kózdeıtin zań aıasynda túzetý engizý qajettigi týyndaǵan.

- Jobamen Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıtetiniń ataýyn Qazaqstan Respýblıkasynyń Ulttyq qorǵanys ýnıversıteti dep ózgerister engizý kózdelgen, - dep jazylǵan erejeniń sıpattamasynda.

Jalpy bul ózgeristiń bolatyny kópshilikke 2023 jyldyń qazan aıynda málim bolǵan edi. Senattyń jalpy otyrysynan keıin depýtat Bekbol Orynbasar osyndaı málimet aıtqan bolatyn.