Naýryzdaǵy Ulttyq biryńǵaı testileý kompıýterlik formatta ótedi
«Naýryzdaǵy Ulttyq biryńǵaı testileý kompıýterlik formatta ótedi Onyń nátıjesimen aqyly bólimge túsýge bolady. Tirkelý boıynsha aqparat kelesi aptada jarııalanady. Siz ózińizge yńǵaıly kúndi jáne ýaqytty tańdap, jańa formattaǵy emtıhandy Naýryz aı boıy synaı alasyz!», - dep jazdy Dıdar Smaǵulov Facebook paraqshasynda .
Degenmen ortalyq basshysy naýryz aıyndaǵy testileý aqyly ekendigin aıtady. Oǵan qatysý túlektiń óz erkinde jáne quny 2 242 teńgeni quraıdy.
«Al grantqa túsý úshin kompıýterlik UBT sáýir-maýsym aralyǵynda ótedi jáne sizde 2 tegin múmkindik bolady. Sol testileý sertıfıkatynyń bireýin shildede bolatyn konkýrsqa jiberesiz. Sonymen, kompıýterlik UBT-ny jalpy 3 ret tapsyryp, eń joǵary nátıjege jetetinińizge kúmánim joq», - dedi ol.
