Naýryzda Astana jyly bolady

ASTANA. QazAqparat – Naýryzda Astanadaǵy aýa raıy salystyrmaly túrde jyly bolady, dep habarlaıdy QazAqparat «Qazgıdromet» RMQ-ǵa silteme jasap.

Degenmen apta salqyn bastalady. Dúısenbi kúni elordada kúndiz -6 °C tirkelip, aýa raıy qubylmaly bolady. Seısenbige qaraǵan túni temperatýra -14 °C-qa deıin tómendeıdi.
Sınoptıkterdiń boljaýynsha, 21 naýryzda -3 °C tirkeledi, jaýyn-shashyn bolmaıdy. Túnde -11 °C salqyn bolady.
22 naýryz, sársenbi kúni +3 °C deıin jylyp, aýa raıy qubylmaly bolady. Túnde -8 °C sýyq tirkeledi.
23 naýryzda termometr baǵany kúndiz +4 °C, túnde 5 gradýs nólden tómen kórsetedi. Jaýyn-shashyn bolmaıdy.
24 naýryz, juma kúni kúndiz +5 °C jyly bolyp, jaýyn-shashynsyz qubylmaly aýa raıy tirkeledi.