Naýryz merekesinde el aýmaǵynda aýa raıy qandaı bolady

NUR-SULTAN. QazAqparat - 22-24 naýryz aralyǵynda atmosferalyq fronttarǵa baılanysty Qazaqstan aýmaǵynyń basym bóliginde qubylmaly aýa raıy saqtalady, dep habarlaıdy QazAqparat.

«Qazgıdromettiń» boljamynsha, eldiń soltústik jáne shyǵys óńirlerinde boran soǵyp, qar jaýady.

Respýblıkanyń ońtústiginde jaýyn-shashyn, keıde qatty jaýyn-shashyn (jańbyr, qar) jaýady.

Al 23-24 naýryzda respýblıkanyń batys óńirleri Soltústik-Batys antıtsıklonynyń yqpalynda bolady. Sonyń saldarynan munda jaýyn-shashyn jaýmaıdy.

Respýblıka boıynsha tuman túsedi jáne jel kúsheıedi.

Elimizdiń shyǵysynda, soltústiginde jáne ortalyǵynda túngi temperatýra 5-13-ten 10-18 gradýsqa deıin aýytqıdy.

Kúndiz termometr 0-8 gradýs aıazdan aspaıdy, respýblıkanyń ońtústik jartysynda aýa temperatýrasy túnde 0-8 gradýs, kúndiz 2-10 gradýs jyly bolady.