Naýryz aıynda aınalymdaǵy qolma-qol aqsha kólemi 2,19 trln teńge boldy

NUR-SULTAN. QazAqparat - Qazaqstanda 2019 jyldyń naýryz aıynda qolma-qol aınalymdaǵy aqsha kólemi ótken aımen salystyrǵanda 2,7% artyp, 2,193 trln teńgege jetti. Bul 2018 jyldyń jeltoqsanyndaǵy kórsetkishten 3% az, dep habarlaıdy QazAqparat tilshisi QR Ulttyq bankine silteme jasap.

Ulttyq banktiń aqparatyna súıensek, ótken aıda qolma-qol aqshalardy, lıkvıdti teńge depozıtterin qamtıtyn M1 aqsha agregaty ótken aıda 1,9 % (jyl basynan berip - 3,6%) azaıyp, 5,402 trln teńgeni quraǵan. Qolma-qol aqshalardy, lıkvıdti teńge depozıtterin, lıkvıdti valıýtalyq depozıtterdiń barlyǵyn qamtıtyn M2 ındıkatory 1,2% tómendep (+1,2%), 14,641 trln teńge bolǵan.

Aqsha massasy 1,6% (-6,8%) qysqaryp, 19,401 trln teńgeni quraǵan. Aqsha bazasy nemese QR Ulttyq bankiniń aqshalary bıyl qańtar aıynda 4,2% (byltyrǵy jeltoqsannan beri - 6,1%) azaıyp, 6,248 trln teńge bolǵan. Qysqasha túsinik boıynsha, aqsha bazasy 13,4% (-15,1%), ıaǵnı 5,087 trln teńgege deıin kemidi.

Ekinshi deńgeıli bankter jáne basqa da uıymdardyń QR Ulttyq bankindegi depozıtteriniń kólemi 7,7% (-7,1%), ıaǵnı 3,747 trln teńgege deıin azaıdy.