Naýryz: Alty qurlyqtan quttyqtaýlar aǵylyp jatyr
Syrtqy ister mınıstrliginiń Telegram kanalyna Qazaqstan halqyn Naýryz merekesimen quttyqtaǵan resmı tulǵalar men sheteldik azamattardyń lebizi tolassyz jarııalanyp jatyr. Solardyń ishinde Deutsche Bank-tiń basqarýshy dırektory Iorg Bongartts ta bar.
«Qurmetti qazaqstandyqtar! Deutsche Bank atynan men sizderdi kóktemniń shýaqty Naýryz merekesimen shyn júrekten quttyqtaımyn. Naýryz jańa jyldyń bastalýyn ǵana emes, tabıǵattyń jańarýyn da bildiredi. Al Qazaqstandaǵy tabıǵat óziniń ásemdigimen jáne alýandyǵymen tań qaldyrady. Biz iri halyqaralyq bank retinde Qazaqstannyń tól tabıǵatyn saqtaýǵa degen umtylysyn qoldaımyz jáne Qazaqstan Úkimetimen teń dárejede jasyl energııany damytýǵa belsendi qatysamyz. Bizdiń qazaqstandyq «jasyl» jobalardy qoldaýymyz, jalpy nemis jáne eýropalyq bıznespen qarym-qatynas búkil Qazaqstan halqyna paıdaly bolady dep úmittenemiz», - deıdi bankır.
«Polsha-Azııa» saýda-ónerkásip palatasynyń prezıdenti ıAnýsh Pehochınskıı bolsa, óziniń quttyqtaýynda Qazaqstan Polsha úshin mańyzdy áriptes ekenin jetkizdi.
«Naýryz – kóktem merekesi. Úlken dástúr men mádenıettiń, dostyqtyń otbasylyq merekesi. Bıyl bul mereke Qazaqstan Táýelsizdiginiń 30 jyldyq mereıtoıy qarsańynda toılanyp jatyr. Osyndaı qysqa merzim ishinde ekonomıkasy ornyqty, saıası júıesi berik jáne úlken qurmetke ıe zamanaýı memleket qura aldyńyzdar. Polıak halqy úshin, Polsha ekonomıkasy úshin Qazaqstan Ortalyq Azııadaǵy mańyzdy áriptes. Azııa - Qytaı - Polsha - Eýropalyq Odaq kólik dálizindegi mańyzdy memleket dep bilemiz. Bul eki aradaǵy yntymaqtyń úlken áleýeti bar ekenin kórsetedi. El basshylyǵyna jáne kásipkerlerge áriptestik qatynastar úshin alǵys aıtamyn. Kóktem merekesine oraı sizderge pandemııamen kúreste jeńis, el damýynda tabys tileımin», - dedi ıAnýsh Pehochınskıı.
Taılandtaǵy Air Astana kompanııasynyń ókili Dýrachat Panıavýt ta qazaqstandyqtardy Ulys kúnimen quttyqtaı kelip, Taılandqa bizdiń elden baratyn týrısterdi kútetinin aıtty.
«Naýryz merekesine oraı barlyq qazaqstandyqtarǵa tek baqyt, bereke, zor densaýlyq tileımin! Biz qıyn kezeńderden ótip, taıaý ýaqytta Taılandta qazaqstandyq týrısterdi qarsy alyp, qaýyshamyz dep úmittenemiz», - dedi Ýrachat Panıavýt.
Avstralııanyń Fortstrıt mektebiniń oqýshylary da qazaq halqyn Naýryz merekesimen quttyqtady.
«Naýryz merekesi qutty bolsyn! Biz sizderge baqyt, órkendeý, amandyq tileımiz. Avstralııalyqtardyń izgi tilegi qabyl alyńyzdar», - deıdi oqýshylar.
ıÝNESKO-nyń materıaldyq emes mádenı murasyn qorǵaý jónindegi konventsııanyń hatshysy Tıım Kertıs te qazaqstandyqtarǵa ıgi tilegin arnap, Naýryz meıramy álem halyqtaryna ortaq mura ekenin atap ótti.
«Naýryz ıÝNESKO kóleminde halyqaralyq kún retinde moıyndalǵan jáne adamzattyń materıaldyq emes mádenı muralarynyń tizimindegi mańyzdy element bolyp sanalady. Osyǵan baılanysty Naýryz qutty bolsyn degim keledi», - deıdi ıÝnesko ókili.
Quttyqtaýshylar arasynda osydan 10 jyl buryn Mońǵolııaǵa qonys aýdaryp, sondaǵy qazaqtardan ultymyzdyń dástúri men tilin meńgergen Portelder otbasy da bar.
«Biz Baıan-Ólgıı aımaǵynda 10 jyl ómir súrdik, qazaq tilin meńgerdik. Qazaq tilinde sóıleý óte kórkem», - deıdi Sara Portell.
«Qazaqstan halqyn kóktemniń nurly merekesi áz Naýryzben shyn júrekten quttyqtaımyz! Naýryz ár qazaqtyń shańyraǵyna shattyq pen qýanysh ákelsin. Ulys oń bolsyn, aq mol bolsyn!», - dedi Kreıg Portell.
Eske salsaq, álemniń ár túkpirinen joldanǵan quttyqtaýlar kesheden beri kelip jatyr. Іzgi nıet bildirýshilerdiń arasynda álemge aty áıgili dızaınerler, Bollıvýd akterleri men saıasatkerler de bar.
