Naýryznama: Qazaqstan – yntymaǵy jarasqan ulttar mekeni

ASTANA. KAZINFORM – Búgin – Naýryznama aıasyndaǵy Yntymaq kúni. Naýryz - tek kóktem merekesi ǵana emes, sondaı-aq qoǵamdaǵy birlik pen yntymaqty kúsheıtetin mańyzdy áleýmettik jáne mádenı qubylys. Kazinform tilshisi Qazaqstandaǵy yntymaǵy jarasqan ulttarǵa ortaq dúnıelerge úńilip kórgen edi.

Бірлік күні
Фото: Александр Павский/Kazinform

Naýryz meıramy – elimizdegi barlyq ult ókilin jańarý, birlik jáne izgilik sekildi qundylyqtar arqyly biriktiredi. Yntymaqty nyǵaıtýǵa yqpal etetin birneshe negizgi aspekt bar:

  • Ortaq dástúrler men qundylyqtar. Naýryz - kóktemgi jańarý men jańa ómirdiń, dostyq pen tatýlyqtyń belgisi. Bul - Qazaqstanda ómir súretin barlyq etnosqa jaqyn mereke.
  • Qonaqjaılylyq pen dastarqan jaıý. Mereke kúnderi adamdar bir-birin qonaqqa shaqyryp, dástúrli taǵamdar ázirleıdi, halyqtyń yntymaǵy nyǵaıa túsedi.
  • Mádenı ártúrlilik. Mereke aıasynda kontsertter, jármeńkeler men ulttyq oıyndar ótkiziledi. Ártúrli etnos ózderiniń dástúrlerin, ulttyq kıimderi men ádet-ǵurpyn kórsetedi.
  • Birlik pen beıbitshilik ıdeıasy. Qazaqstan túrli ult ókiliniń bir shańyraq astynda beıbit ómir súrýimen tanymal, al Naýryz – ultaralyq kelisimniń, ózara qurmet pen qoǵam birliginiń sımvoly.
  • Jalpy halyqtyq serýender. Mereke kúnderi Qazaqstan halqy kóshege shyǵyp, jappaı merekeleıdi. Bul mádenı shekaralardy joıyp, ult pen ulys ókilderi arasyndaǵy dostyq qarym-qatynasty nyǵaıtady.

Senat depýtaty Gennadıı Shıpovskıh atap ótkendeı, Qazaqstan - yntymaǵy jarasqan ulttar turatyn ystyq uıa.

Gennadıı Shıpovskıh
Foto: G. Shıpovskıhtiń jeke muraǵatynan

- Naýryz meıramy – barsha qazaqstandyqty jaqyndatatyn mereke. Qazaqy jańa jyl desek artyq bolmas, 22 naýryzda kún men tún teńesedi. Naýryz meıramyn toılaýdyń onkúndigi bekitilgen. Onyń aıasynda án kún erekshe atalyp ótedi. Naýryznamadaǵy árbir is-shara ulttardyń ózara syılastyǵy men qurmetin arttyryp, Qazaqstandaǵy tatýlyq pen kelisimniń nyǵaıýyna septigin tıgizedi.

Sondaı-aq meıirimdilik, qonaqjaılylyq, qol ushyn sozý - Naýryzdyń negizgi qundylyqtary, sebebi bul qazaq halqymen qatar, elimizdegi barlyq etnos úshin ortaq ustanymdar. Sondyqtan Naýryz meıramy Qazaqstanda halyqtar dostyǵynyń sımvoly retinde atalyp ótedi. Óıtkeni, árbir adam ulty men dinine qaramastan, bir-birine qurmet kórsetip, yntymaqtastyqty arttyrýǵa úles qosady. Osylaısha, Naýryz meıramy Qazaqstan halqy arasynda dostyq pen birlikti nyǵaıtyp, eldegi beıbitshiliktiń odan ári saqtalýyna yqpal etedi. Óz basym Naýryz meıramyn asyǵa kútemin, janyma jaqyn, - dedi depýtat.

Naýryz meıramyn óziniń otbasy qalaı atap ótetinin de aıtty.

- Mereke kúnderi jubaıym naýryz kóje pisiredi, et asady. Ortalyq alańǵa shyǵyp, halyqpen birge meıramdap, naýryz kóje iship qaıtamyz, - deıdi.

Naýryz meıramyn asyǵa kútetin otandastarymyzdyń biri - Qazaqstan halqy Assambleıasynyń ókili, nemis etnomádenı birlestiginiń múshesi, «Vozrojdenıe» qoǵamdyq qory qamqorshylyq keńesi tóraǵasynyń orynbasary Vladıslav Veber.

Vladıslav Veber
Foto: V. Veberdiń jeke muraǵatynan

- Ózim Soltústik Qazaqstan oblysynda, aýylda óskenmin. Bala kúnimnen bilem, Naýryz meıramyn aýyl bolyp toılaıtynbyz. Mektepte merekelik kontsert bolatyn, mádenıet úıinde túrli is-sharalar ótetin, odan bólek ulttyq sport túrlerinen jarys bolatyn, aýyl shetine shyǵyp báıge kóretinbiz. Naýryz - Qazaqstandaǵy barlyq ultty biriktiretin meıram, - deıdi ol.

Assambleıa ókili merekelerdi bólip-jarmaıtynyn aıta kele, janyna jaqyn úsh meıramdy atady.

- Rojdestvo, Naýryz meıramy jáne Pasha. Naýryz meıramynda biz qazaq dostarymyzǵa qonaqqa baramyz, Pashada olar bizge qonaqqa keledi. Naýryz meıramyn dostyq kópiri desem bolady. Bul kúni dástúrli túrde et asamyz, baýyrsaq pisiriledi, qymyz ishemiz. Sonymen qatar ulttyq kıimmen mádenı is-sharalarǵa qatysamyz, - deıdi Vladıslav Veber.

amal, Qazaqstan halqy
Foto: Astana qalasynyń ákimdigi

Ulttar yntymaqtastyǵyn tereńdetýde Qazaqstan halqy Assambleıasynyń orny bólek. Memleket basshysy aıtqandaı, Qazaqstan halqy Assambleıasy – memlekettilik pen birliktiń irgetasyn nyǵaıtatyn negizgi ınstıtýt. QHA - memlekettik jáne qoǵamdyq qurylym júıesindegi róli boıynsha, eń aldymen memlekettik organ men qoǵamdyq ınstıtýttardyń múmkindikterin úılestiretin etnosaralyq kommýnıkatsııalardyń jalpyulttyq alańy.

kórisý, amal
Foto: Astana qalasynyń ákimdigi

Aıta keteıik, búginde elimizde 21 etnomedıatsııa ortalyq, 21 etnomedıatsııa keńesi jumys istep tur. Sol sııaqty etnomedıatsııa ortalyqtary men keńesteriniń kadrlyq quramy qalyptastyryldy, onyń quramyna kásibı medıatorlar, zańgerler, pedagogter, psıhologter, dintanýshylar, jýrnalıster men qoǵamdyq pikir kóshbasshylary kirdi.

Іri qalalardan bólek, aýyldyq okrýg ákimderi, ýchaskelik ınspektorlar, mektep dırektorlary men meńgerýshileri, árbir eldi mekenniń ımamdary, óńirlik etnomedıatsııa keńesteriniń músheleri jáne Assambleıa ókilderi úshin etnomedıatsııanyń bazalyq negizderi boıynsha semınar-trenıngter ótkizilip turady.

Eske salsaq, byltyrdan beri Naýryz merekesi elimizde «Naýryznama» deıtin ataýmen on kún qatarynan toılana bastady. 

Ádettegideı, bıyl elimizdiń túkpir-túkpirinde Naýryz meıramy keń kólemde toılanyp, júzdegen mádenı is-shara ótedi

Сейчас читают