Naýryz merekesi qarsańynda «Shý – Taraz» baǵytynda qosymsha elektrli poıyz iske qosylady

ASTANA. KAZINFORM - Naýryz merekesi qarsańynda jolaýshylar aǵynynyń artýyna baılanysty «Jolaýshylar tasymaly» AQ №6975/6976 «Shý – Taraz» baǵytynda qosymsha elektrli poıyz iske qosylady.

«Qazaqstan temir joly» UK» aktsıonerlik qoǵamy baspasóz qyzmetiniń habarlaýynsha, elektrli poıyz 2026 jylǵy 21, 22, 23, 28, 29 jáne 30 naýryz kúnderi qatynaıdy. Bul mereke kúnderi jolaýshylardy temirjol kóligimen tolyqqandy qamtamasyz etýge múmkindik beredi.

Qozǵalys kestesi

Shý stantsııasynan:
• jóneltý — 05:00
• Taraz stantsııasyna kelý — 08:41

Taraz stantsııasynan:
• jóneltý — 12:40
• Shý stantsııasyna kelý — 16:22

Elektrli poıyz quramy 2 jáne 3 klasty 4 vagonnan turady. Poıyzdyń jalpy syıymdylyǵy 352 otyratyn oryn.

Jol júrý quny
• 2 klass — 3562 teńge
• 3 klass — 2946 teńge

Bıletterdi bilet.railways.kz resmı saıtynan komıssııasyz satyp alýǵa bolady, sondaı-aq «Jolaýshylar tasymaly» AQ kassalarynda qoljetimdi. Qosymsha aqparatty 1433 nómiri arqyly alýǵa bolady.

Osyǵan deıin Naýryz merekesi qarsańynda qosymsha poıyzdar qatynaıtyny týraly jazdyq.