Naýryz merekesi kúnderi elimizde jáne shetelde demalý úshin qansha qarjy ketedi
ASTANA. KAZINFORM – Naýryz merekesine oraı uzaqqa sozylatyn demalys kezinde qazaqstandyqtarǵa shetelge saıahattaýǵa tamasha múmkindik týyp tur. Energyprom.kz kóktemniń basty merekesi qarsańynda 21-25 naýryz aralyǵyndaǵy demalys kúnderin shetelde nemese el aımaqtarynda qalaı ótkizýge bolatyny týraly aqparat daıyndady.
Alys shet elderge saıahattaý úshin kóbine áýe kóligi qyzmetin paıdalanasyz. Sondyqtan olar jaqyn mańdaǵy elderge avtomobıl nemese temirjol arqyly saıahattaýǵa qaraǵanda qymbatyraq bolady. Mysal retinde Ózbekstanǵa sapardy alǵa tartaıyq. Bul elge 4-5 kúndik avtobýspen saıahattaýǵa 180 myń teńge ketedi. Al «Almaty — Túrkistan — Tashkent — Samarqand — Taraz — Almaty» transshekaralyq baǵyty boıynsha Jibek Joly poıyzymen saparlasańyz 190 myń teńge jumsaýyńyzǵa týra keledi.
Aldaǵy uzaq demalys kúnderi úshin alys saparlardyń eń bıýdjettik nusqasy — Birikken Arab Ámirlikteri (týr úshin bir adamǵa 220,7 myń teńgeden) men Mysyr (255,7 myń teńgeden).
Týroperatorlardyń veb-saıttaryndaǵy málimetke sáıkes, eń qymbat nusqa — Maldıv araldary. Bul araldarǵa týrdyń eń tómengi quny 567 myń teńgege jetedi, eń joǵarysy bir adamǵa 743,7 myń teńgeni quraıdy.
21-25 naýryz aralyǵynda kóptegen elge ushatyn sapardyń quny aıdyń basqa kúnderindegi baǵalarǵa qaraǵanda aıtarlyqtaı joǵary. Túrli týrıstik baǵyttarda bul aıyrmashylyq 10 paıyzdan 35 paıyzǵa deıin aýytqıdy, al keıbir jaǵdaılarda ol tipti eki ese bolýy múmkin.
Merekelik aptany óz elinde ótkizýdi qalaıtyndar úshin kóptegen demalys nusqasy bar. Naýryz aıynyń sońyna qaraı Shyǵys Qazaqstan oblysyndaǵy iri qala mańyndaǵy joldarda qar kóshkini qaýpi men aýa raıyn baılanysty joldardyń jabylýy saqtalady. Altaıdyń sulýlyǵyna tánti bolýdyń eń tıimdi ýaqyty — jaz. 10 kúndik joldama quny sanatorıılerde turýdy qosa alǵanda bir adamǵa shamamen 500 myń teńgeni quraıdy. Bul — Kazahstan.travel servısiniń derekteri.
Naýryzdyń sońyna taman ońtústikte qonaqtardy shýaqty kúnder kútip tur. Eldegi eń tanymal týrıstik oryndarǵa saıahat qazaqstandyqtar úshin salystyrmaly túrde asa qymbatqa túspeıdi. Máselen, Almaty oblysynyń sulý tabıǵatyna bir kúndik týrdyń quny óńirlerden Almatyǵa baratyn jol aqysyn eseptemegende 8,5-10 myń teńgeni quraıdy. Oblysta jeke ekskýrsııalar qymbatyraq, 40 myń teńgege deıin jetedi. Jaıaý nemese gıdy bar avtobýs týrlary 3 myń teńge turady.
«Іshki týrızm mázirinde» kóptegen belsendi aımaqtyq týr da bar. Qaraǵandy oblysynda shahtalar murajaıyn, Aqmola oblysynda Qorǵaljyn qoryǵyndaǵy jaınaǵan jabaıy qyzǵaldaqtardy, Túrkistanda ataqty Qoja Ahmet ıAsaýı kesenesin tamashalaýǵa bolady. Aımaqtardaǵy avtobýs týrlarynyń ortasha baǵasy — 30 myń teńge.
Byltyr naýryzda Týrızm jáne sport mınıstrligi kóktemgi mereke aptalyǵy — Naýryznamany elimizdiń basty týrıstik brendi retinde ilgeriletý ıdeıasyn usynǵan bolatyn. Rıo-de-Janeırodaǵy kostıýmdi karnavaldar, Germanııadaǵy Oktoberfest nemese Japonııadaǵy sakýranyń gúldenýi sııaqty. Týrıstik ónimdi ilgeriletýdiń uzaq jyldyq baǵdarlamasynan keıin Qazaqstannyń bıyl týrısterdi kóbirek kútýge tolyq múmkindigi bar. Onyń taǵy bir sebebi, CNN Travel Qazaqstandy 2025 jyly saıahattaýǵa usynylatyn 25 baǵyttyń qataryna qosty. Al Almaty Ortalyq Azııanyń «jańa stıldi astanasy» dep ataldy.
Beıindi vedomstvonyń málimetinshe, ótken jyly elimizge 15,3 mıllıon sheteldik kelse, onyń 10 mıllıonnan astamy bir táýlikten astam ýaqyt qonaq boldy. Týrızm jáne sport mınıstrligi mamandarynyń esebine sáıkes, 2024 jyly Qazaqstanǵa kelgen sheteldik týrısterdiń jumsaǵan shyǵynynyń jalpy kólemi 1,2 trln teńgeni qurady.
Eske sala ketsek, Týrızm jáne sport mınıstrligi Іshki ister mınıstrligimen birlesip, elimizdegi sheteldik týrısterdi tirkeý úderisin belsendi túrde tsıfrlandyryp jatyr. Al oǵan qazirgi kóshi-qon zańnamasyna sáıkes qabyldaýshy tarap jaýapty. E-Qonaq júıesi kelýshiler týraly derekterdi jyldam jáne yńǵaıly berý úshin jasalǵan. Veb-saıtta aı saıyn qonaqtardy tirkeıtin jeke jáne zańdy tulǵalardyń sany týraly statıstıkalyq málimetter, sondaı-aq kelýshiler týraly aqparat jarııalanady.
Máselen, osy jyldyń qańtar aıyndaǵy derekterge sáıkes, tsıfrlyq joba iske qosylǵannan beri servıs arqyly 3,7 mıllıon týrıst tirkelgen, bul árıne byltyrǵa qaraǵanda 69 paıyz kóp. Qabyldaýyshy tarap tirkegen akkaýnttar sany 54,3 paıyzǵa artyp, 487,6 myńǵa jetti. Bul serpindi ázirge búkil týrızm ındýstrııasynyń jetistikterimen salystyrý múmkin emes. Óıtkeni qyzmettiń jumys isteı bastaǵanyna az ýaqyt boldy.
Degenmen, E-Qonaq júıesi óz reıtıngterin qurastyrý úshin jetkilikti derekterdi jınap úlgerdi. Derekkózdiń málimetinshe, bıylǵy qańtarda ózge elderden kelgen týrıster arasynda eń tanymal óńir Almaty men Astana jáne Atyraý oblysy boldy. Sheteldik qonaqtardy ornalastyrý úshin úzdik úsh orynǵa Kazakstan Hotel, Novotel Almaty City jáne Hilton Astana kirdi.
Qonaqúı baǵasyna keletin bolsaq, olar ótken jyldyń alǵashqy úsh toqsanynda sektordyń barlyq sanaty boıynsha ósti. Máselen, Ulttyq statıstıka bıýrosynyń dereginshe, 2024 jylǵy qańtar-qyrkúıek aılarynda bes juldyzdy qonaqúılerdegi bir túnniń quny bir jyl ishinde 12,1 paıyzǵa kóterilip, 62,6 myń teńgeni qurady. Osy kezeńde tórt juldyzdy qonaqúılerde turý quny eki ese qymbattady: 30,2 myń teńge. 2023 jyldyń 9 aıymen salystyrǵanda baǵa 17,1 paıyzǵa kóterilgen.
Byltyr qarapaıym qonaqúılerdegi baǵa da qymbattady. Úsh juldyzdy qonaqúılerde túneý baǵasy — 10,1, eki juldyzdy qonaqúılerde — 4,8, juldyzy joq qonaqúılerde 10,1 paıyzǵa deıin ósti. Baǵanyń shamaly tómendeýi baıqalǵan jalǵyz sanat bir juldyzdy qonaqúıler boldy.