«Naýryz» ıpotekalyq baǵdarlamasynyń bastapqy jarna mólsheri tómendeı me – Roman Sklıar jaýaby
ASTANA. KAZINFORM — Premer-Mınıstrdiń birinshi orynbasary Roman Sklıar Májilis depýtattarynyń «Naýryz» ıpotekalyq baǵdarlamasynyń bastapqy jarna mólsherin tómendetýge qatysty saýalyna jaýap berdi.
«9-20-25» baǵdarlamasy boıynsha turǵyn úı úshin bastapqy jarnanyń mólsherin tómendetýge qatysty kelesini atap ótken jón. Nesıe boıynsha bastapqy jarna kepildi qaryzdar men kredıttik táýekelder úshin qarjylyq táýekelderdi mindetti saqtandyrý sanalady. Bankterdiń maqsaty nesıe alýshynyń tólem qabilettiligin sapaly jáne teńgerimdi baǵalaý bolyp tabylady. Bul oǵan bolashaqta ıpotekalyq nesıe tóleý arqyly jaıly ómir súrýge múmkindik beredi. Bul rette, bastapqy jarna mólsheriniń tómendeýi nesıe alýshyǵa aı saıynǵy qarjylyq júktemeni ulǵaıtady. Sondyqtan ol tıimsiz bolyp sanalady», — dedi Roman Sklıar.
Alaıda, birinshi vıtse-premer tabysy tómen azamattarǵa bastapqy jarnany tóleý bóliginde qarjylyq qoldaý kórsetý úshin jergilikti atqarýshy organdar áleýmettik kómek túrindegi turǵyn úı sertıfıkattaryn bóletindigin atap ótedi. Máselen, 2019 jyldan búgingi kúnge deıin jergilikti atqarýshy organdar 1,6 mlrd teńgeden astam somaǵa sertıfıkattar bólgen.
«Kredıtter boıynsha paıyzdyq mólsherlemege qatysty „Otbasy bank“ AQ baǵyty boıynsha 2, 5, 7 jáne 9 paıyz bolatyn túrli sharttarmen ıpotekalyq baǵdarlamalardyń bar ekenin atap ótemiz. Sondaı-aq „Naýryz“ ıpotekalyq baǵdarlamasy boıynsha (9-20-25) halyqtyń áleýmettik osal toptary úshin jyldyq 7 paıyz tómendetilgen mólsherleme qarastyrylǵan», — dedi ol.
