«Naýryz» baǵdarlamasy boıynsha zaemdy onlaın rásimdeýge bolady
ASTANA. KAZINFORM — «Naýryz» baǵdarlamasy boıynsha tólem qabilettiligin onlaın baǵalatyp, kredıttik ótinimdi onlaın joldap, zaemdy onlaın rásimdeýge bolady.
Otbasy bank («Báıterek» holdınginiń enshiles uıymy) jańa turǵyn úı baǵdarlamasynyń qatysýshylaryna, jalpy óziniń barlyq klıentterine turǵyn úı satyp alý maqsatymen bólimshelerge barmaý úshin qolaıly jaǵdaı jasap qoıǵan. Onlaın-ıpoteka ýaqyt únemdeýge jáne bank fılıaldarynda uzyn-sonar kezekte turmaýǵa múmkindik beredi.
Bul qyzmetti paıdalaný arqyly qarajatyńyzdy da únemdeı alasyz. Sebebi, zaemdy qashyqtan rásimdeý kezinde kredıttik ótinimdi qarastyrý úshin aqy alynbaıdy. Al nesıe berýdi uıymdastyrý qyzmeti úshin bank qaryz alýshyǵa 50% jeńildik beriledi.
Tólem qabilettiligin tekserýden bastap nesıe alǵanǵa deıin klıentti jeke menedjer súıemeldep júredi. Ol qoldaý kórsetip, keńes berý úshin árkez baılanysta bolady.
Servısti paıdalaný úshin beınebankıng qyzmeti arqyly Otbasy bankiniń resmı saıtynda nemese Baspana market portalyndaǵy (otbasybank.kz) jeke kabınette beıne operatorǵa qońyraý shalý qajet.
2024 jyldyń 15 shildesinde Otbasy bank «Naýryz» baǵdarlamasyna qatysýshylardyń tizimin jarııalady. 12 500 qazaqstandyq «Naýryz» baǵdarlamasy qatysýshylardyń tizimine engeni týraly kópten kútken aqjoltaı jańalyq aldy (ótinish berýshilerdiń tolyq tizimi Otbasy bankiniń resmı saıtynda jarııalanǵan).
Endi «Naýryz» baǵdarlamasynyń qatysýshylary Otbasy bankine kredıttik ótinim berýleri tıis. Ol úshin bank klıentterge barynsha qolaıly etip bul merzimdi qyrkúıek aıynyń ortasyna deıin uzartty. Osy arada ýaqyt pen qarajatty únemdeý úshin atalmysh operatsııany onlaın rejıminde jasaýǵa bolady. ıAǵnı bank bólimshelerine kelýdiń qajeti joq.
Búgingi tańda «Naýryz» baǵdarlamasy boıynsha 2 myńnan astam adam tólem qabilettiligin rastady. Endi olar nesıelik ótinim berip, baspana tańdap, zaem alýlary qajet. Bul múmkindikten «Naýryz» baǵdarlamasyna qatysýshylar da shektelmeıdi. Olar bıylǵy jyldyń jeltoqsan aıynyń ortasyna deıin baspana satyp ala alady.
«Naýryz» baǵdarlamasy boıynsha zaemdar 2024 jyldyń 24 shildesinen bastap beriletin bolady.
«Naýryz» baǵdarlamasy aıasynda turǵyn úı satyp alý boıynsha kelesi sharttar usynylady:
— alǵashqy naryqtaǵy turǵyn úı, onyń ishinde QTK kepildigimen úlestik qatysý sharty jáne saqtandyrý quraly boıynsha;
— monoqalalar men aýyldyq eldimekenderde ekinshi naryqtaǵy turǵyn úı, jylyna bólingen qarajattyń jalpy kóleminiń 30%-nan aspaıtyn kólemde.
Zaemnyń eń joǵarǵy mólsheri:
— Almaty men Astana qalalary úshin — 36 mln teńgege deıin.
— qalǵan óńirler úshin — 30 mln teńgege deıin.
Baǵdarlamaǵa qatysýshy bastapqy turǵyn úıdi Baspana market portalynan (otbasybank.kz) tańdap, brondaı alady. Qazirgi ýaqytta bank Baspana market portalynda (otbasybank.kz) «Otaý» baǵdarlamasyna qatysýshylar úshin de, «Naýryz» baǵdarlamasyna qatysýshylar úshin de 13 172 páterden turatyn 490 turǵyn úı kesheni usynylǵan. Bul tizim kún saıyn tolyqtyrylyp otyr.
«Naýryz» baǵdarlamasynyń sharttary:
— alǵashqy jarna — 20%-dan bastap;
— turǵyn úı kezeginde turǵan azamattardyń áleýmettik osal sanattary úshin kredıt boıynsha mólsherleme — 7% (JTSM 7,3%-dan 8,9% deıin);
— azamattardyń barlyq sanattary úshin kredıt boıynsha mólsherleme — 9% (JTSM 9,3%-dan 11,8% deıin);
— nesıe merzimi — 19 jylǵa deıin.
