Naýryz aıynan beri 500 myń palestınalyq bosqynǵa aınaldy
ASTANA. KAZINFORM – 18 naýryzda Izraıl Gazadaǵy shabýyldaryn qaıta bastady. Sodan beri 500 myń palestınalyq úılerin tastap ketýge májbúr boldy. Bul týraly BUU-nyń Gýmanıtarlyq máselelerdi úılestirý basqarmasy habarlady, dep jazady Anadoly.
WAFA aqparat agenttiginiń málimetinshe, shabýyldar qaıta bastalǵaly beri jarty mıllıonǵa jýyq palestınalyq bosqynǵa aınalǵan.
BUU 2025 jylǵy 19 qańtarda jasalǵan ýaqytsha bitimge deıin de júz myńdaǵan palestınalyq óz úılerin tastap ketkenin eske saldy.
Shabýyldar qaıta bastalǵaly 1 652 adam qaza tapty, olardyń basym bóligi – áıelder, balalar jáne qarttar. Odan bólek 4 391 adam jaraqat aldy.
2023 jyl 7 qazannan beri Izraıldiń Gaza sektoryna jasaǵan shabýyldarynan qaza tapqan palestınalyqtar sany 51 025-ke jetti, 116 432 adam jaralanǵan.
Buǵan deıin Gazada kóz jumǵandar sany 51 myńǵa jetkenin jazdyq.
Frantsııa basshysy gýmanıtarlyq kómekti jetkizý úshin ótkizý beketterin ashýǵa shaqyrdy.