NATO-nyń kelesi sammıti 2026 jyly Ankarada ótedi
ASTANA. KAZINFORM – NATO sammıtin 2026 jyly 7-8 shildede ótkizý josparlanyp otyr, dep habarlaıdy agenttiktiń menshikti tilshisi.
Bul týraly resmı túrde alıans hatshysy Mark Rıýtte málim etti.
Rıýtte Túrkııa tarapyna mańyzdy halyqaralyq is-sharany ótkizýge daıyndyǵy úshin rızashylyǵyn bildirdi.
- Men Túrkııaǵa 7-8 shildede Ankarada NATO sammıtin ótkizetini úshin alǵysymdy bildirgim keledi, - dep málimdedi Rıýtte.
Ol sonymen qatar uıymǵa múshe elderdiń prezıdentteri men úkimet basshylary qaýipsizdik boıynsha sheshýshi máselelerdi talqylap, zamanaýı qaýipterge strategııalyq jaýaptar ázirleýdi jalǵastyratynyn jetkizdi.
Bul keıingi 25 jylda Túrkııada ótetin NATO-nyń ekinshi sammıti bolmaq. 2004 jyly osyndaı is-shara Ystanbulda ótken bolatyn. Kezdesýdi Ankarada ótkizý týraly sheshim Túrkııanyń alıanstyń sheshýshi múshesi ári NATO-nyń ońtústik qanatynyń strategııalyq seriktesi retindegi rólin kórsetedi.
Sammıttiń kún tártibine qorǵanysty nyǵaıtý, seriktes elderge qoldaý kórsetý, shyǵys qanatty kúsheıtip, NATO-ny ózgerip jatqan geosaıası jaǵdaıǵa beıimdeý máseleleri kiredi.
Osyǵan deıin Túrkııa prezıdenti Rejep Taıyp Erdoǵan 2026 jyly NATO memleket jáne úkimet basshylarynyń sammıti Ankara qalasynda uıymdastyrylatyny týraly aıtqan bolatyn.