Natalıa Godýnova donor óńirlerge transfert bólý júıesin synady

NUR-SULTAN. QazAqparat – QR Respýblıkalyq bıýdjettiń atqarylýyn baqylaý jónindegi Esep komıtetiniń tóraǵasy Natalıa Godýnova donor óńirlerge transfert bólý júıesin synady, dep habarlaıdy QazAqparat tilshisi.

«Donor óńirlerden respbýlıkalyq bıýdjetke neǵurlym kóp túsim alynsa, soǵurlym kóp tranfert qaıta beriledi. ıAǵnı, ahýal ózgermeı tur. Bıyl donor óńirlerden 490 mlrd teńge túsimdi respýblıkalyq bıýdjetke alý kózdelgen. Degenmen, maqsatty transfertter retinde 712 mlrd teńge bólý josparlanǵan», - dedi Natalıa Godýnova.

Onyń aıtýynsha, osynyń saldarynan transfert kólemi alym kóleminen 45 paıyz joǵary bolmaq.

«Úkimet ózi ázirlegen tásilderdi saqtap, metodıkany tolyqtyryp pysyqtasa degen oıymyz bar. Sonda ǵana jańadan qurylǵan úsh oblystyń mysalynda 2023 jyldyń bıýdjetin qalyptastyrý sharalary óńirler arasyndaǵy teńgerimsizdik qalaı retteletinin kórseter edi», - dedi Esep komıtetiniń tóraǵasy.

Aıta ketý kerek, Natalıa Godýnovanyń deregi boıynsha, Byltyr Ulttyq qordan alynǵan qarajat túsken kiristen asyp ketken.