NASA Jer shary sońǵy 20 jylda qalaı ózgergenin kórsetti

ASTANA. QazAqparat - NASA sońǵy 20 jylda klımattyń qalaı ózgergendigin kórsetetin anımatsııalyq vıdeo jarııalady. Anımatsııalyq rolık NASA-nyń YouTube-kanalyna ornalastyrylǵan, dep habarlaıdy QazAqparat.

Ony ázirleý kezinde spýtnıktik túsirilimder paıdalanylǵan, olardyń eń alǵashqysy 1997 jyly jasalǵan.

Vıdeoda Jerdegi muzdyqtar men qar jamylǵylarynyń qalaı ózgergeni kórsetilgen. Máselen, aýa temperatýrasynyń joǵarylaýyna baılanysty Arktıka 20 jyl ishinde jasyl bola túsip, Jer sharynyń keıbir jerlerinde «bıologııalyq bos jerler» paıda bolǵan.

«Ómir - bul Jer sharyn ózge myńdaǵan ǵalamshardan erekshe etip turǵan jalǵyz nárse. 1997 jyldyń kúzinen bastap NASA spýtnıkteri jer betindegi jáne muhıttardaǵy ósimdikterdiń ómirin úzdiksiz baqylap keledi», - dep atap ótedi ǵarysh agenttiginen.

Joba avtorlary bul vıdeo adamdardy ekologııalyq problemalardy sheshýdiń mańyzdylyǵy týrasynda oılandyra túsedi degen úmit artady.