NASA Marsqa ushatyn astronavttardy irikteýdi bastady

ASTANA. QazAqparat - Jańa astronavttardy irikteýdiń belsendi kezeńi 14 jeltoqsanda bastalyp, 2016 jylǵy aqpan aıynyń ortasynda aıaqtalady. Bul týraly NASA óz saıtynda habarlap otyr.

Bul jobaǵa tek AQSh-tyń bakalavrdan joǵary bilim alǵan azamattary ǵana qatysa alady, olar ınjenerler, matematıkter, fızıktar, bıologtar ǵana bolýy tıis. Oǵan qosa, olardyń ushaq basqarýda kem degende úsh jyl joǵary tájirıbesi bolýy kerek.

Joba aıasynda Orion kemesinde ushý-jattyǵýlar ótkizetin astronavttardy irikteý ótkiziledi. AQSh adamdardyń Qyzyl ǵalamsharǵa ushýyn dál osyndaı kemede júzege asyrýdy josparlap otyr. Іrikteýden ótetin astronavttar ázirge Marsqa ushpaıdy, basqarylatyn Orion kemesinde zertteýlerge qatysady, olarǵa 2020 jyly kirisý josparlanyp otyr. NASA sondaı-aq óte qajet qyzmetkerlerdi jumysqa ala bastaıdy. Aldaǵy ýaqytta jańa qyzmetkerler SpaceX jáne Boeing eki basqarylatyn kememen HǴS-ǵa ushyp barady.