NASA ǵaryshkerdiń skafandrmen júrip ájet óteýine qatysty ıdeıaǵa 30 myń dollar tóledi

ASTANA. QazAqparat - Ǵaryshta ájetti óteý úshin astronavttar túrli aıla-tásilge barýda. Ǵarysh kemesinde bir amaly tabylady, al skafandr ishinde jaǵdaı qıyndaı túsedi. Popular Science basylymynyń jazýynsha, arnaıy jórgekter arqyly máseleni sheshýge bolady, tek olar uzaq ýaqytqa jaramsyz.

Odan bólek, salmaqsyzdyq kezinde tolyp ketken jórgek yńǵaısyzdyq týdyrady. Qazir bul másele asa ózekti emes, alaıda alty kún boıy ǵaryshtyq «saýyt» ishinde bolatyn Marsqa sapar shegýshiler dál osy máselege kezigedi.

Sol sebepti NASA skafandrǵa ornatylǵan ájethana oılap tabý jaıly baıqaý jarııalady. Onda úsh jeńimpaz 30 myń dollar kóleminde syıaqy aldy. Birinshi oryn jáne 15 myń dollar syıaqy ÁÁK ofıtseri jáne áskerı hırýrg Tetcher Kardonǵa berildi. Ol jórgekterdi aýystyrý úshin jáne úrlemeli «gorshok» ornatý úshin skafandrdyń jambas jaǵyn oıyp, bekitiletindeı jaraqtaýdy usyndy.

10 myń dollar skafandrǵa qaldyqtardy aýa arqyly úrlep shyǵaratyn rezervýar ornatýdy usynǵan top jeńip aldy. Al 5 myń dollar qaldyqtardy zalalsyzdandyryp, skafandr ishinde saqtaýdy usynǵan jobaǵa berildi.