NASA baǵdarlamasy: Aıǵa qonatyndardyń alǵashqysy áıel bolmaq

NUR-SULTAN. QazAqparat – Aldaǵy 10 jylda NASA Aı betine alǵash ret áıeldi qondyrýdy josparlap otyr. Bul týraly QazAqparat CBS News telearnasyna silteme jasap habarlaıdy.

Mıssııa josparlanyp otyrǵan «Artemıda» baǵdarlamasyna toǵyz áıel jáne toǵyz er adam múshe bolady. Baǵdarlamany iske asyrý kezinde qarajat artyq jumsalyp, keshigýi biraz qıyndyqtar týdyrǵany atap ótilgen. NASA ǵaryshtyq ushýlar jetekshisi Charlı Blekvell-Tompsonnyń aıtýynsha, Aıdy zertteýge qaıta oralý túrli qundy ǵylymı jańalyq ashýǵa múmkindik beredi.

«Kóp nárseni úırenýimiz kerek. Biz áli de Apollo baǵdarlamasy kezinde qaıtarylǵan úlgilerdi negizge ala otyryp, zertteý júrgizip jatyrmyz», dep atap ótti ol.