NASA astronavttary Baıqońyrda aǵash otyrǵyzdy
Ushý aldyndaǵy daıarlyqtyń kestesine sáıkes, 2018 jyldyń 15 naýryzynda «Soıýz MS-08» áýe kemesiniń kóliktik ekıpajy Baıqońyr ǵarysh aılaǵynyń aýmaǵynda «Baspasóz kúnin» ótkizdi.
Reseılik ǵaryshkerler Oleg Artemev pen Alekseı Ovchının, sonymen qatar amerıkalyq astronavtar Endrıý Foıstel, Rıchard Arnold pen Nık Heıg tilshilerge «Soıýz MS» áýe kemesin HǴS-ǵa qalaısha jaqyndatýǵa bolatynyn, borttyq qujattamany zertteý boıynsha oqýlar, sporttyq jattyǵýlar qalaı ótkiziletinin kórsetti.
Dástúr boıynsha, ǵaryshqa tuńǵysh ret ushyp bara jatqan ǵaryshkerler men astronovtar Ǵaryshkerler alleıasynda aǵash otyrǵyzady. Ol alleıada nómir birinshi bolyp ıÝrıı Gagarınniń aǵashy ósip tur.
Aty ańyzǵa aınalǵan alleıada óziniń alǵashqy aǵashyn NASA astronavttary Endrıý Foıstel men Rıchard Arnold otyrǵyzdy. Negizgi ekıpaj komandıriniń, Roskosmos ǵaryshkeri Oleg Artemevtyń aǵashtary ósip tur. Ol qazaqstandyq ǵarysh aılaǵynda ekinshi ret aspanǵa kóterilmek. Oleg Artemev 2014 jyly 169 táýlikke sozylǵan ǵarysh saparynda bolyp kelgen edi.
Roskosmostyń baspasóz qyzmetiniń aqparatyna sáıkes, Baıqońyrdan birinshi ret ushyp turǵan amerıkalyq astronovtar ǵaryshqa ushý baǵytynda zor tájirıbege ıe. Endrıý Foıstel óz ómirinde «Atlantıs» (STS-125) pen «Indevor» (STS-134) shattldarynda eki ret ǵaryshqa sapar jasap, onda 28 táýlik bolǵan. Osy aralyqta ol jalpy uzaqtyǵy 42 saǵat 18 mınýt bolatyn 6 ashyq ǵaryshta bolǵan. Al Rıchard Arnold «Dıskaverı» shattlynda bir ret ǵarysh saparynda bolyp qaıtqan. 13 táýliktiń ishinde ol eki ret ashyq ǵaryshqa shyqqan.
«Soıýz-MS-08» kemesimen basqarylatyn «Soıýz-FG» tasyǵysh-zymyrany 2018 jyldyń 21 naýryzynda saǵat 23:44 kezinde Baıqońyr ǵarysh aılaǵynyń starttyq alańynan ushyp shyǵady.
