Narendra Modı Máskeýdegi Jeńis sherýine qatysýdan bas tartty

NЬıÝ-DELI. KAZINFORM – Úndistan premer-mınıstri Narendra Modı Máskeýge Jeńis kúnine arnalǵan is-sharalarǵa qatysý úshin josparlanǵan saparynan bas tartty. Bul sheshim Pahalgam qalasynda bolǵan teraktiden keıingi jaǵdaıǵa baılanysty qabyldandy, dep jazady reseılik TASS.

22 sáýirde Úndistannyń Djammý jáne Kashmır odaqtas aýmaǵynda bolǵan terrorlyq shabýylda 26 adam qaza tapqan bolatyn. 

– Premer-mınıstr Úndistanda bolǵan jaǵdaıǵa baılanysty Máskeýge barmaıdy, - delingen habarlamada.

Aıta keteıik, Djammý men Kashmır shtatyndaǵy terrorıstik shabýyldan keıin bılik 48 týrıstik nysandy jabý týraly sheshim qabyldady. 

Buǵan deıin habarlanǵandaı, Úndistan polıtsııasy Kashmırdegi shabýylǵa qatysty kúdiktini anyqtady. 

Keshe túnde Pákistan áskeri Djammý men Kashmırdegi Pargaval sektoryndaǵy Úndistanmen shekarada oq jaýdyrdy. Atysty toqtatý rejımi Djammý aımaǵynyń úsh negizgi sektorynda da buzyldy. Úndistan áskeri baqylaý syzyǵynda altynshy tún qatarynan sebepsiz atys bolǵanyn habarlady.

Eske sala keteıik, buǵan deıin Úndistandaǵy qonaqúıde bolǵan órtten 14 adamnyń qaza tapqanyn jazǵan edik.