Mysyrlyq arheologter altyn tildi mýmııalar tapty

KAIR. SINЬHÝA-QazAqparat - Nil ózeniniń saǵasyndaǵy Mınýfııa provıntsııasynyń ǵıbadathanasynda jumys isteıtin mysyrlyq arheologter birneshe altyn tildi mýmııa tapty. Bul týraly beısenbi kúni eldiń Týrızm jáne kóne jádigerler mınıstrligi málimdedi, dep habarlaıdy QazAqparat Sınhýa agenttigine silteme jasap.

Málimdemede aıtylǵandaı, ártúrli dáýirlerge, sonyń ishinde keıingi áýlettik jáne ellındik kezeńderge jatatyn qabirlerde aýzyna altyn til salynǵan birneshe mýmııa tabyldy.

Mýmııalardyń jaqsy saqtalmaǵany atap ótildi. Bul qabirlerdiń tonalǵanyn bildiredi.
Sondaı-aq, altyn paraqtarǵa oralǵan birneshe qańqalar, adam pishindes birneshe aǵash sarkofagtar, keramıka jáne mýmııalaý materıaldary tabyldy.
«Ǵalymdardyń paıymdaýynsha, tilder ólgen adamnyń aqyrette sóıleı alýyn qamtamasyz etý úshin altynnan jasalǵan»,-dedi arheolog Bahaa an-Nagar.
Onyń aıtýynsha, ertede bıleýshiler betperdelerin, saýsaqtary men tilderin altynmen bezendirgen, óıtkeni bul árqashan jarqyrap turatyn metal.

Foto: news.cn