Mıanmadaǵy jer silkinisi 50-den astam adamnyń ómirin qıdy

ASTANA. KAZINFORM — Mıanmadaǵy jer silkinisinen 50 adam qaza taýyp, 300 adam jaraqat aldy. Bul týraly Qytaı ortalyq telearnasy habarlady.

El bıligi halyqty aman alyp qalý úshin belsendi sharalar qabyldap jatyr.

Mıanma úkimeti qurban bolǵandardy qutqarý úshin belsendi túrde qan tapsyrýǵa shaqyrdy.

Mıanmanyń iri qalalaryna ishki jáne halyqaralyq reıster toqtatyldy.

CENC málimetinshe, 28 naýryz kúni saǵat 14:20–da Mıanmada (soltústik endik 21,85 gradýs, shyǵys boılyq 95,95 gradýs) magnıtýdasy 7,9 bolatyn jer silkinisi tirkeldi. Jer silkinisiniń oshaǵy 30 shaqyrym tereńdikte ornalasqan.

Buǵan deıin Mıanmada tótenshe jaǵdaı jarııalanǵany habarlanǵan bolatyn.