Mıanmada taǵy da jer silkindi

ASTANA. KAZINFORM – Mıanmada magnıtýdasy 5,1 baldyq jer silkinisi boldy. Bul týraly Eýropa-Jerorta teńizi seısmologııalyq ortalyǵy habarlady. 

– Jer silkinisiniń oshaǵy el astanasynan ońtústik-batysqa qaraı 19 shaqyrym jerde ornalasqan. Onda shamamen 925 myń adam turady, - dep habarlaıdy TASS.

Aıta keteıik, 28 naýryzda Astana ýaqytymen saǵat 11:20-da Mıanmada 7,9 baldyq jer silkinisi boldy. Jerasty dúmpýleri Taıland (Bangkok) jáne Laos (Ventıan) astanalarynda da sezildi. Mıanmadaǵy jer silkinisinen 1 000-nan astam adam qaza tapty. 

Sonymen qatar Bangkoktaǵy kópqabatty úı qulady. Taıland premer-mınıstri kórshiles Mıanmadaǵy kúshti jer silkinisinen keıin Bangkokty «tótenshe jaǵdaı aımaǵy» dep jarııalady. 

Sondaı-aq SІM Taılandtaǵy jer silkinisinen zardap shekken qazaqstandyqtarǵa qatysty aqparat taratty.

Aıta keteıik, Mıanmadaǵy jer silkinisine baılanysty EO kómekke 2,5 mıllıon eýro berdi. Al, BUU Mıanmaǵa kómek retinde 5 mıllıon dollar bóldi.