Mıanmada taǵy bir jer silkinisi boldy

ASTANA. KAZINFORM – Mıanmadaǵy Mandalaı qalasynan soltústikke qaraı 60 shaqyrym jerde magnıtýdasy 5,2 dárejeli jer silkinisi boldy. Bul týraly Taılandtyń meteorologııalyq departamenti habarlady, dep jazady Report.

Jer silkinisi jergilikti ýaqytpen saǵat 14:58-de tirkelgen, oshaǵy 10 shaqyrym tereńdikte ornalasqan.

Aıta keteıik, 28 naýryzda Mıanmada magnıtýdasy 7,7 bolatyn kúshti jer silkinisi boldy. Jer asty dúmpýleri kórshiles bes elde de sezildi. Sońǵy málimetter boıynsha, qaza tapqandar sany 3 600 adam, jaralanǵandar sany 5 000-nan asty.

Aıta keteıik, buǵan deıin Mıanmadaǵy jer silkinisinen qaza tapqandar sany 3,5 myńnan asqanyn habarladyq. 

40 gradýs ystyq kún raıy qutqarý jumystaryn qıyndatyp jatyr.