Mýz-Tv 15 jyldyǵyn Medeýde atap ótedi
Arman Davletııarovtyń aıtýynsha bıylǵy jyly arna óziniń 15 jyldyǵyn Almatyda, Medeýde atap ótýdi uıǵarǵan. Kontsertke Fılıpp Kırkorov, Nıkolaı Baskov, Batyrhan Shúkenov, Sergeı Lazarev, Dıma Bılan, Mıtıa Fomın, Tımatı, Tomas Nevergreen, "Gradýsy, Anna Semenovıch, Elka men Anıta Tsoı qatysady. Osy joly Batyrhan Shúkenov quramynda tanymal bolǵan A-Stýdıomen birge án shyrqamaq. Almatylyqtardy taǵy bir qýantatyn jáıt birneshe jyl buryn jastar arasynda tanymal bolǵan «Dýet L» toby osy kontsert barysynda qaıta qurylatyndyǵyn jarııalamaq. Keshti belgili Reseılik telejúrgizýshi Lera Kýdrıavtseva júrgizedi.
Kontsertte qazaqstandyq jas estrada juldyzdyzdary da óner kórsetpek. «Mýz-Tv tuńǵysh ret óz týǵan kúnin Reseıden tys jerde atap ótpek. Almatyny tańdap alýymyzǵa sebep, Almaty jurtshylyǵy mýzyka men mádenıetti óte joǵary baǵalaıdy», - deıdi Mýz-TV-nyń mýzykalyq dırektory, jerlesimiz Arman Davletııarov. Almaty qalasy mádenıet basqarmasynyń bastyǵy Qaırat Qulybaevtyń aıtýynsha Almatyda qala kúnin atap ótý osy kontsertpen bastalmaq. Sondaı-aq bul kontsert Konstıtýtsııa kúni qurmetine de arnalady.
QazAqparat anyqtamasy: Mýz-TV Reseılik mýzykalyq, oıyn-saýyq arnasy. Efırge 1996 jyly shilde aıynda shyqqan arna TMD elderi men Qazaqstanǵa da taralady. Jastar arasynda joǵary tanymaldyqqa ıe. 2003 jyldan beri tanymal mýzykanttarǵa arnalǵan Mýz-TV júldesin taǵaıyndap keledi. Bıylǵy jyldyń 1 shildesinde arnanyń qurylǵanyna 15 jyl toldy.