Múmkindigi shekteýli adamdarǵa arnalǵan arnaıy ortalyqtar ashylady
Mınıstr óz sózinde Qazaqstanda 695 myńnan astam múgedektigi bar adam turatynyn atap ótti, onyń ishinde 419,8 myńy eńbekke qabiletti jasta (60%), 180,6 myńy zeınetkerlik jasta (26%), 94,7 myńy - 18 jasqa deıingi bala (14%).
2020 jyly múgedektigi bar adamdardy áleýmettik qorǵaýǵa memlekettik bıýdjetten 448 mlrd teńge bólindi, bul 2019 jylmen salystyrǵanda 10,4 paıyzǵa artyq.
Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi jumys tirshilik áreketiniń barlyq baǵyttaryn qamtıtyn Ulttyq jospar aıasynda júrgiziledi. Qujat 7 baǵyt boıynsha 64 is-sharany qamtıdy: múgedektiktiń profılaktıkasy jáne onyń aldyn alý, bilimge qoljetimdilik, kedergisiz orta, ekonomıkalyq jumyspen qamtý, tıimdi ońaltý, áleýmettik qyzmetter jáne qoǵamdyq sanany jańǵyrtý.
«2020 jyldyń qorytyndysy boıynsha 343,4 myńnan astam múgedektigi bar adam nemese muqtajdardyń 81 paıyzy qajetti tehnıkalyq quraldarmen (OTQ) jáne ońaltý qyzmetterimen qamtamasyz etildi. OTQ qamtamasyz etýdi jaqsartý úshin ótken jyly Áleýmettik qyzmetter portaly iske qosyldy (aleumet.egov.kz), ol arqyly azamattar óz betinshe, memlekettik satyp alýlarsyz ońaltýdyń qajetti quraldary men qyzmetterin tańdap, satyp ala alady», – dedi S. Shapkenov.
2020 jyly portalda jeke irikteýdi talap etpeıtin OTQ-nyń 55 túriniń 24-in satyp alý múmkindigi iske asyryldy. 28,8 myń ońaltýdyń tehnıkalyq quraly berildi. 2021 jyldyń 1 qańtarynan bastap OTQ-nyń 55 túri qoljetimdi boldy. Sondaı-aq Portal arqyly jeke kómekshiniń, ymdaý tili mamanynyń qyzmetterine jáne sanatorlyq-kýrorttyq emdelýge tapsyrys berýge bolady.
Ekonomıkalyq belsendilik úshin múmkindikter jasaý maqsatynda 2020 jyly múgedektigi bar adamdarǵa arnalǵan kásipter atlasy ázirlendi. Bul anyqtamalyq múgedek adamdardy jumysqa ornalastyrý kezinde, onyń ishinde elektrondyq eńbek bırjasy portalynda jumys izdeýdi jetildirý úshin paıdalanylatyn bolady (enbek.kz). Usynylatyn mamandyqtar QR Ulttyq kásipter synyptaýyshyna negizdelgen. 12 myńnan astam kásip zerdelendi, nátıjesinde múgedektiktiń 1-toby úshin 2,5 myńǵa jýyq kásip usynyldy, 2 jáne 3-toptar úshin jeke-jeke 7 myńǵa jýyq kásip usynyldy.
Múgedektigi bar adamdardyń ómir súrý sapasyn qamtamasyz etý maqsatynda 2021 jyly Múgedekterdiń quqyqtary týraly konventsııaǵa Fakýltatıvtik hattamany ratıfıkatsııalaý týraly zań jobasy ázirlenetin bolady.
«Aqmola, Aqtóbe jáne Qaraǵandy oblystarynda múgedektigi bar balalarǵa arnalǵan jańa ońaltý ortalyqtaryn ashý kózdelgen. 15 óńirde «Ten Qogam» ortalyqtary ashylady. Nur-Sultan men Almatyda mundaı ortalyqtar qazirdiń ózinde tabysty jumys isteýde, olarda múgedektigi bar adamdarǵa psıhologııalyq jáne quqyqtyq kómek, jumysqa ornalasýǵa járdem kórsetiledi. Ortalyqtardy ashý «Nur Otan» partııasynyń jańa baǵdarlamasyn iske asyrý jónindegi jol kartasynda kózdelgen. Ákimdikter atalǵan sharalardyń oryndalýyn qamtamasyz etýi qajet», – dedi vedomstvo basshysy.
Serik Shápkenov sondaı-aq qoljetimdi ortany qamtamasyz etý bóliginde jyl saıyn 4 myńnan astam nysandy beıimdeý boıynsha mindet qoıylǵanyn habarlady. Bıyl beıimdelgen, standarttarǵa sáıkes keletin nysandardyń úlesi 20 paıyzdy quraýǵa, al 2025 jyly 100 paıyzǵa jetýge tıis.
«2020 jyly Ulttyq jospar aıasynda Mınıstrlik múgedektigi bar adamdardyń quqyqtary men áleýmettik qoldaý alýyn qamtamasyz etýge baǵyttalǵan «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasyn ázirledi.