Muqaǵalı Maqataev týraly fılmniń kórinisteri Almatyda túsirilip jatyr

ALMATY. QazAqparat – Almatyda aqyn Muqaǵalı Maqataev týraly fılm túsirilip jatyr, dep habarlaıdy QazAqparat tilshisi.

Almatynyń qaq ortasynda qolshatyrmen tolyp júrgen adamdar, turǵyndardyń nazaryn aýdardy. Keıin bul jerde aqıyq aqyn Muqaǵalı Maqataev týraly fılm túsirilip jatqandyǵy belgili boldy.

Redaktsııamyzǵa qala turǵyndary Abylaıhan kóshesinen Tóle bı - Bógenbaı batyrǵa deıingi kósheniń jabylǵanyn aıtyp, sýretterin jiberdi. «Qazaqfılm» kınostýdııasy bul aqparatty rastady.

Muzbalaq aqynǵa arnalǵan kórkem fılmniń rejısseri - Bolat Qalymbetov. Onyń aıtýynsha, jańa kınokartınada aqyn ómiriniń sońǵy jyldary aıshyqtalmaq. Kórermen Muqaǵalı Maqataevtyń eseıgen shaǵymen, Qazaq KSR Jazýshylar odaǵy otyrysynda aqynnyń taǵdyry sheshilgen sátimen tanysady.

Bul fılm aqyn ǵana emes, adamnyń taǵdyry jaıynda bolmaq.

Fılmniń stsenarııin Júsipbek Qorǵasbek, Bolat Qalymbetov, Ǵazız Nasyrov jazdy.

Buǵan deıin túsirilim Óskemen men Sankt-Peterborda boldy.

Almatydaǵy túsirilim aıaqtalǵan soń, shyǵarmashylyq top Almaty oblysyna jol tartpaq.