Muhtar Tileýberdi ıAdrolyq synaqtarǵa tyıym salý uıymynyń Atqarýshy hatshysyn qabyldady

NUR-SULTAN. QazAqparat – Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Qazaqstanǵa resmı saparmen kelgen ıAdrolyq synaqtarǵa jappaı tyıym salý týraly shart uıymynyń (ıASJTShU) Atqarýshy hatshysy Robert Floıdpen kezdesti. Qyzmetke kiriskennen keıin bul R.Floıdtyń alǵashqy sheteldik sapary, dep habarlaıdy QazAqparat QR SІM baspasóz qyzmetine silteme jasap.

M.Tileýberdi Qazaqstannyń ıadrolyq synaqtarǵa tyıym salý rejımin nyǵaıtý saıasatyna, ıadrolyq qarýdan azat álem qurýǵa jáne ıAdrolyq synaqtarǵa jan-jaqty tyıym salý týraly sharttyń (ıASJTSh) tez arada kúshine enýine berik ustanymyn rastady. Atqarýshy hatshynyń óziniń alǵashqy resmı saparyn Qazaqstannan bastaýynyń jáne jabylýynyń 30 jyldyǵy qarsańynda burynǵy Semeı ıadrolyq polıgonyna barýynyń sımvoldyq máni bar. Bul sondaı-aq aldaǵy 29 tamyzda ıAdrolyq synaqtarǵa qarsy halyqaralyq kúnimen jáne Ortalyq Azııada ıadrolyq qarýdan azat aımaq qurylýynyń 15 jyldyǵymen tuspa-tus keledi.

Óz kezeginde R.Floıd ıASJTShU qyzmetine qoldaý kórsetkeni úshin qazaqstandyq tarapqa alǵysyn bildire otyryp, Qazaqstannyń ıadrolyq qarýsyzdaný salasyndaǵy erekshe rólin atap ótti jáne Shartqa qatysýshy elderdiń birlesken kúsh-jigerimen ıadrolyq qarýsyz beıbitshilik ornatý jónindegi maqsatqa qol jetkize alady degen úmitin bildirdi.

Taraptar sondaı-aq yntymaqtastyqtyń ózekti máselelerin, atap aıtqanda, ıadrolyq synaqtar men jergilikti jerlerdegi ınspektsııalarǵa monıtorıng júrgizýdiń halyqaralyq júıesi stantsııalary jelisiniń jumys isteýin kózdeıtin verıfıkatsııalyq rejımdi nyǵaıtýdy talqylady.

Kezdesý qorytyndysy boıynsha Birlesken málimdeme qabyldanyp, onda taraptar ıadrolyq qarýsyzdaný men taratpaýǵa ózderiniń beıildiligin rastady. Onda sondaı-aq barlyq memleketterge ıadrolyq synaqtar júrgizýge moratorııdi saqtaýdy jalǵastyrýǵa, halyqaralyq beıbitshilik pen qaýipsizdikti qoldaýǵa baǵyttalǵan ıAdrolyq synaqtarǵa jan-jaqty tyıym salý týraly shartqa qol qoıýǵa jáne/nemese ratıfıkatsııalaýǵa shaqyrý qamtylǵan.