Muhtar Tileýberdi UQShU Bas hatshysymen kezdesti

NUR-SULTAN. QazAqparat – Búgin QR Premer-Mınıstriniń orynbasary – Syrtqy ister mınıstri Muhtar Tileýberdi Ujymdyq qaýipsizdik týraly shart uıymynyń Bas hatshysy Stanıslav Zaspen kezdesti, dep habarlaıdy QazAqparat Syrtqy ister mınıstrliginiń baspasóz qyzmetine silteme jasap.

Kezdesý barysynda UQShU-nyń qazirgi jumysy týraly pikir almasylyp, Uıym qyzmetiniń barlyq negizgi baǵyttary boıynsha keń aýqymdy máseleler talqylandy.

Mınıstr osy jyldyń mamyr aıynda Dýshanbe qalasynda ótetin UQShU Syrtqy ister mınıstrleri keńesiniń kezekti otyrysyna shaqyrýdy qabyldady.

Taraptar uıymdy odan ári nyǵaıtý boıynsha yntymaqtastyqqa daıyn ekendikterin bildirdi.

UQShU 2002 jyly qurylǵan jáne quramyna Qazaqstanmen qatar Armenııa, Belarýs, Qyrǵyzstan, Reseı jáne Tájikstan kiretin halyqaralyq óńirlik uıym. Qazirgi ýaqytta UQShU-ǵa Tájikstan Respýblıkasy tóraǵalyq etedi. UQShU Ujymdyq qaýipsizdik keńesiniń kezekti sessııasy 2021 jyldyń tórtinshi toqsanynda Tájikstanda ótedi.

Belarýs ókili S.Zas UQShU Bas hatshysy laýazymyna 2020 jylǵy 1 qańtardan bastap 2022 jylǵy 31 jeltoqsanǵa deıingi kezeńge taǵaıyndaldy.