Muhamedııar Qudaıqulov djıý-djıtsýdan álem chempıony atandy

ASTANA. QazAqparat - AQSh-tyń Kalıfornııa shtatynda «Jiu-Jitsu world League» djıý-djıtsýdan álem chempıonaty ótti. 

Baıraqty básekede el namysyn «Kazakhstan Top Team» klýbynyń sportshysy Muhamedııar Qudaıqulov qorǵap, jeńis tuǵyrynan kórindi, dep habarlaıdy QazAqparat.

Aqparattyq jáne sporttyq hab málimetinshe, Muhamedııar 72 keli salmaqta, «sary belbeý» sanatynda 2002-2003 jyldar aralyǵyndaǵy jasóspirimder arasynda jarys jolyna shyqty.

Esterińizge sala ketsek, Muhamedııar 15 shildede Almatyda ótken Arlan Grip Selection Kids týrnıriniń kúmis júldegeri atanǵan bolatyn.

Qazirgi tańda, Qazaqstanda djıý-djıtsý qarqyndy damyp keledi. Sonymen qatar, eresekter men balalar, tipti arýlardyń da bul sport túrine qyzyǵýshylyǵyn atap ótýge bolady. Qazaqstanda ótetin jarystarǵa baq synaıtyn qatysýshylardyń sany da jyl sanap artyp keledi.