Múgedektigi bar adamdar ym-ıshara tili mamandarynyń qyzmetin onlaın ala alady
ASTANA. KAZINFORM – Eńbek jáne halyqty áleýmettik qorǵaý mınıstrligi estý qabileti boıynsha múgedektigi bar azamattarǵa ym-ıshara tili mamandarynyń qyzmetterin kórsetýdiń qoldanystaǵy qaǵıdalaryna ózgerister engizýdi kózdep otyr.
Jańa ózgeristerge sáıkes, medıtsınalyq qarsy kórsetilimderi bar adamdar úshin atalǵan qyzmetterdi onlaın formatta alý múmkindigi qarastyrylǵan. Tıisti buıryq jobasy «Ashyq NQA» portalynda jarııalandy.
- Qazirgi qaǵıdalarǵa saı, ınfektsııalyq aýrýlar ym-ıshara tili mamanynyń qyzmetterin alýǵa qarsy kórsetilim bolyp sanalady. Sonyń saldarynan mundaı qyzmet múgedektigi bar adamdar úshin qoljetimsiz edi, - dep túsindirdi Eńbek jáne halyqty áleýmettik qorǵaý mınıstrliginen.
Joba qabyldanǵan jaǵdaıda, bul sanattaǵy azamattar ym-ıshara tili qyzmetine qashyqtan qol jetkize alady. Bul olardyń quqyqtaryn qamtamasyz etýge jáne ómir súrý sapasyn arttyrýǵa yqpal etpek.
Buıryq jobasy «Ashyq NQA» portalynda 2025 jylǵy 10 qyrkúıekke deıin qoǵamdyq talqylaý úshin ornalastyryldy.
Aıta keteıik, múgedektigi jáne asyraýshysynan aıyrylý boıynsha 434 mlrd teńgeden asa járdemaqy tólendi.