«Muǵalim mártebeli mamandyq bolady» - respýblıkalyq basylymdarǵa sholý
***
«Egemen Qazaqstan» basylymynyń búgingi sanynda «Dostyq pen iskerlik úılesimi» atty maqala jaryq kórdi. Atalmysh maqalaǵa Elbasy Nursultan Nazarbaevtyń elimizge resmı saparmen kelgen Koreıa Respýblıkasynyń Prezıdenti Lı Men Bakpen kezdesýinde kóterilgen máseleler týraly baıandalady. Jıyn barysynda memleketterdiń ekijaqty taýar aınalymy 2010 jyly 50,3 paıyzǵa artyp, 760,1 mln. AQSh dollaryna jetkendigi aıtylady. Al ústimizdegi jyldyń alǵashqy jartyjyldyǵyndaǵy taýar aınalymy 396,3 mln. dollar boldy. Sonyń ishinde eksport - 125,3 mln., al ımport - 271 mln. dollar. Qazaqstandyq eksporttyń negizgi túrlerine ferroqorytpa, qurysh pen temir prokattary, altyn, mys, kúmis, ýran jatady. Al Koreıadan negizinen elektronıka men máshıne jasaý ónimderi men quraldary alynady. Statıstıkalyq málimetterge qaraǵanda, 1993 jyldan bastap eseptegendegi Ońtústik Koreıanyń Qazaqstan ekonomıkasyna salǵan ınvestıtsııa kólemi 4 mlrd. dollarǵa jýyq qarjyny quraıdy. Al Koreıaǵa quıylǵan qazaqstandyq ınvestıtsııa kólemi - 66,8 mıllıon dollar.
Sondaı-aq atalmysh basylymnyń búgingi sanynda Qazaqstan Respýblıkasy Memlekettik qyzmet isteri agenttiginiń tóraǵasy Álıhan Báımenovtyń «Ata zań jáne memlekettik qyzmet» atty maqalasy basyldy. Onda memlekettik qyzmettiń qazaqstandyq modeli kóptegen memleketterdi qyzyqtyratyndyǵy aıtylady. «Sonyń bir dáleli - Reseı Úkimetiniń memlekettik basqarý salasyndaǵy negizgi joǵary oqý oryndary 2009 jyly ázirlep shyǵarǵan «Memlekettik qyzmet» oqýlyǵynda álemdegi 9 memleket qana mysalǵa keltirilgen. Osy 9 memlekettiń arasynda Ulybrıtanııa, AQSh, Frantsııa, Germanııa, Qazaqstan jáne Qytaıǵa ǵana jeke taraýlar arnalǵan. ıAǵnı, Qazaqstannyń memlekettik qyzmet júıesi men osy saladaǵy tájirıbesi alpaýyt memleketter tájirıbesimen qatar Reseı oqý oryndarynda ozyq úlgi retinde zertteledi. Demek, Qazaqstan bul salada kóshbasshylardyń biri retinde tanylady», - delingen maqalada. Bul maqalany «Egemen Qazaqstan» basylymynyń búgingi sanyn oqýǵa bolady
***
«Aıqyn» basylymy búgingi sanynda «Muǵalim mártebeli mamandyq bolady» atty maqala basty. Basylymnyń jazýynsha, Qazaqstanda pedagogtardy 89 joǵary oqý orny daıyndasa, olardy bitirip shyqqan 34 myńnan astam túlektiń tek 10 myńy ǵana bilim berý mekemelerinde qalady eken. Endi pedagogıkalyq mamandyqtar boıynsha, oqytýdyń tujyrymdamasy men talaptary túbirimen qaıta qaralady. «Bul týraly Bilim jáne ǵylym mınıstri Baqytjan Jumaǵulov keshe «Otbasy, mektep, qoǵam-ıgilikti bolashaq úshin birge!» atty alǵashqy respýblıkalyq pedagogıkalyq forýmda málimdedi», - dep jazady basylym. Osy jıynda kóterilgen osy jáne ózge de máseleler týraly «Aıqyn» basylymynyń búgingi sanynda.
Sondaı-aq atalmysh basylymnyń habarlaýynsha, «Kóterme satýshylar tirkeýden ótedi». «Aıqyn» basylymy búgingi sanynda osyndaı taqyryppen maqala jarııalap, elimizdegi janarmaıǵa qatysty qalyptasqan jaǵdaıdy saraptady. Basylymnyń jazýynsha, birneshe aıdan beri janarmaı naryǵyndaǵy jaǵdaı máz emes. Benzın baǵasy biraz kóterilip, tipti keıbir aımaqtardaǵy quıý beketterinde eń suranysqa ıe AI-92 kólik otyny tek talonmen nemese arnaıy kartochka arqyly bosatylyp jatyr. Kásipkerler muny kóterme baǵanyń shamadan tys ósip ketkenimen túsindiredi. Alaıda Básekelestikti qorǵaý agenttigi basshylarynyń pikiri basqasha. Olardyń aıtýlarynsha, Qazaqstandaǵy munaı ónimderiniń ishki naryǵy aıtarlyqtaı monopolııalandyrylǵan jáne baǵanyń qalyptasýyna da negizinen osy jaǵdaı áser etedi.
***
«El táýelsizdigi qarsańynda Lenın Qyzyljardyń tórine qaıta otyrdy». «Alash aınasy» basylymynyń búgingi sanynda osyndaı maqala jarııalandy. Onda Qyzyljardyń ákimi proletarıat kósemi Lenınniń eskertkishin qalanyń qalanyń qaq tórine ornattyryp, aıdy aspanǵa bir-aq shyǵarǵandyǵy aıtylǵan. «Shahardyń shetinde 50 jyl turǵan tas músin búginde jumyspen qamtýdy úılestirý jáne áleýmettik baǵdarlamalar bólimi ǵımaratynyń aldynda men mundalaıdy. Áldeqashan kúni ótken kommýnısterdiń kósemin mundaı qurmetke bóleıtindeı basymyzǵa ne kún týdy deseńizshi?», - delingen maqalada. Bul týraly «Alash aınasy» basylymynyń búgingi sanynda.
Sondaı-aq atalmysh basylym búgingi sanynda «Vıza túıinin» kim sheshedi?» atty maqala basty. Basylymnyń jazýynsha, bizdiń naryq Qytaı úshin sonshalyq aýqymdy emes. Kerisinshe, biz sol elden taýar tasymaldaýǵa múddelimiz. Sebebi belgili. Onyń ústine, irgeles elden jetkizilgen ónimniń tasymal shyǵyny basqalarmen salystyrǵanda arzanǵa túsedi. Sondyqtan aradaǵy taýar aınalymynyń kólemi de jyl saıyn artyp keledi. Máselen, ótken jyly bul kórsetkish 20 mıllıardtan astam dollardy qurady. Biraq sońǵy kezde osy saýda baılanysyna qatysty bir túıtkil shyqty. Shilde bastalǵanda Qytaı jaǵy bizdiń tasymaldaýshylarǵa júrgizýshi vızasyn berýdi toqtatqan bolatyn. Sonyń saldarynan el bıýdjeti 3 mıllon dollardan qaǵyldy. Bul másele jóninde «Alash aınasy» basylymynyń búgingi sanynda.
***
Jer resýrstaryn basqarý agenttiginiń málimetterinshe, jekelegen azamattar men zańdy tulǵalarǵa berilgen aýyl sharýashylyǵyna arnalǵan jer telimderiniń kólemi 93,4 mıllıon gektardy quraıdy. Onyń ishinde sýarmaly jer 23,4 mıllıon gektar. 10-shy tamyzdaǵy málimetter boıynsha, jumys toptary elde 5,7 mıllıon gektardy quraıtyn 15 myń paıdalanylmaǵan jer telimderi bar ekendigin anyqtady. Bul eldegi aýyl sharýashylyǵyna arnalǵan jerdiń 6,1 paıyzy. Bul másele keshe Úkimet úıinde Premer-Mınıstrdiń birinshi orynbasary Ómirzaq Shókeev ótkizgen selektorlyq májilis barysynda málim boldy. Jer máselesine qatysty jáıttardan habardar bolyp, osy másele boıynsha elimizde qalyptasqan jaǵdaıdy bilgińiz kelse, «Kazahstanskaıa pravda» basylymynyń búgingi sanyndaǵy «Jerdi ıgilikke jaratyńyz» atty maqalany qarańyz.
