Mońǵolııada mal basy 67,3 mıllıonǵa jetti

ULAN- BATYR. MONTsAME – QazAqparat - Búgin Mońǵolııanyń Ulttyq statıstıka komıteti (UQK) 2021 jyldyń qorytyndysy boıynsha tórt túlik maldy jáne úı janýarlaryn esepke alý qorytyndysyn tanystyrdy, dep habarlaıdy QazAqparat MONTsAME agenttigine silteme jasap.

Aldyn ala qorytyndylar boıynsha eldegi mal basy 67,3 mıllıonǵa jetken.

Aýyl sharýashylyǵy, ekologııa jáne óndiris statıstıkasy basqarmasynyń basshysy E.Mıagmarhandtyń aıtýynsha, bul kórsetkish ótken jylmen salystyrǵanda 6,4 paıyzǵa nemese 268,4 myń basqa ósken.

Jalpy jylqy sany mal basyna shaqqanda 4,3 mln basty nemese 6,4% -dy, sıyr - 5 mln-dy (7,6%), túıe- 453,5 myńdy (0,7%), qoı-31,1 mln-dy (46,2%) jáne eshki-26,5 mln-dy (39,3%) quraıdy.

Ótken jylmen salystyrǵanda qoı sany 3,4 paıyzǵa nemese 1 mln-ǵa , sıyr 6,1 paıyzǵa nemese 288,8 myńǵa, jylqy 230,1 myńǵa nemese 5,6 paıyzǵa ósti, eshki men túıe sany bir jyl burynǵy kórsetkishpen salystyrǵanda kerisinshe kemigeni baıqalady, atap aıtqanda eshki 1,3 mln nemese 4,6%-ǵa jáne túıe 19,1 myńǵa nemese 4,0%-ǵa kemigen.