Mońǵolııa kósheleriniń biri Óskemen nemese Shyǵys Qazaqstan atalýy múmkin

ÓSKEMEN. QazAqparat - Shyǵys Qazaqstan oblysynyń ákimi Danıal Ahmetov Mońǵolııanyń Baıan-Ólgeı aımaǵynyń gýbernatory Ǵylymhan Aıypulymen kezdesti.

Taraptar bilim, týrızm jáne bıznes salasyndaǵy ózara tıimdi yntymaqtastyq máselelerin talqylady. Budan ózge, Mońǵolııa delegatsııasy tarapynan Baıan-Ólgeı jáne Óskemen qalasyn baýyrlas-qalalar etý usynysy jasaldy, dep habarlaıdy «QazAqparat» HAA tilshisi.

ShQO ákimi baspasóz qyzmetiniń málimdeýinshe, hattamalyq kezdesý barysynda Baıan-Ólgeı aımaǵynyń basshysy Danıal Ahmetovke óz óńirleriniń týrıstik áleýeti jáne onyń negizgi ereksheligi - búrkitshilerdiń dástúrli halyqaralyq festıvali jaıynda aıtyp berdi.

Ǵylymhan Aıypulynyń aıtýynsha, festıvaldiń jarqyn da este qalarlyq kórinisi Shyǵys Qazaqstan turǵyndarynyń da qyzyǵýshylyǵyn týdyrýy múmkin.

Sondaı-aq kezdesý barysynda Baıan-Ólgeı kósheleriniń birin Óskemen nemese Shyǵys Qazaqstan dep ataý usynysy jasaldy.

«Sizdiń baýyrlas-qalalar jónindegi usynysyńyzdy qoldaımyn. Óskemen qalasynyń ákimine barlyq qajetti protsedýralardy daıarlaý úshin tapsyrma beremin», - dedi Danıal Ahmetov.

Kezdesý nátıjesinde Shyǵys Qazaqstan men Mońǵolııanyń Baıan-Ólgeı aımaǵy arasynda ózara yntymaqtastyq jónindegi memorandýmǵa qol qoıyldy.