Mońǵolııa qazaqtarynyń IV kishi quryltaıy ótedi

ASTANA. QazAqparat – Mońǵolııa qazaqtarynyń «Mońǵolııa qazaqtary: dostyq pen yntymaqtastyq jolynda» taqyrybymen IV kishi quryltaıy ótedi, dep habarlaıdy QazAqparat «Otandastar qory» qoǵamyna silteme jasap.

4-8 shilde aralyǵynda QR Syrtqy ister mınıstrliginiń «Otandastar qory» qoǵamy uıymdastyrýymen jáne Qazaqstannyń Mońǵolııadaǵy Elshiliginiń qoldaýymen Ulan-Batyr, Qobda, Baıan-Ólgeı aımaqtarynda Mońǵolııa qazaqtarynyń IV kishi quryltaıy ótedi. Quryltaı Qazaqstan men Mońǵolııa arasyndaǵy dıplomatııalyq qatynastardyń 30 jyldyǵy aıasynda eki el arasynda dostyq pen yntymaqtastyqty nyǵaıtý maqsatynda uıymdastyrylady.

«Aýqymdy shara aıasynda eki el ǵalymdarynyń, memleket jáne qoǵam qaıratkerleriniń qatysýymen ǵylymı konferentsııa, kıno jáne mýltfılm aptalyǵy, bıznes-forým, ulttyq oıyndar men merekelik kontsertter ótedi», - delingen qor aqparatynda.

Málim etilgendeı, Reseıdegi qandastarmen de júzdesý josparlanǵan.

Máselen, 8-9 shildede Reseı Federatsııasynyń Altaı Respýblıkasyndaǵy qazaqtar mekendeıtin Qosaǵash aýdanynda jáne Altaı ólkesi ortalyǵy Barnaýldaǵy qandastarmen kezdesý ótip, rýhanı kesh uıymdastyrylady.

««Otandastar qory» qoǵamy tarapynan osyndaı is-sharalardy ótkizý elderimiz arasyndaǵy dostyq kópirdi nyǵaıtyp qana qoımaı, Mońǵolııa jáne Reseı qazaqtarynyń ulttyq biregeıligin arttyra túsýge jáne elimizben rýhanı baılanystardy nyǵaıtýǵa da óz úlesin qospaq», - delingen qor habarlamasynda.