Mońǵolııa ǵaryshqa alǵashqy jer serigin ushyrdy

ASTANA.QazAqparat - 4 maýsymda Ulanbatyr ýaqytymen saǵat 05:50-de AQSh-tyń Florıda shtatynda ornalasqan Kennedı ǵarysh ortalyǵynan ǵaryshqa alǵashqy mońǵoldyń jer serigi ushyryldy, dep habarlaıdy montsame.mn .

Spýtnıkke Gobı shóliniń sırek kezdesetin «Majalaı» aıýynyń ataýy berildi. Jospar boıynsha, apparatty SpaceX kompanııasynyń Falcon-9 zymyrany alyp ushyp, dúısenbige deıin halyqaralyq ǵarysh stansasyna jetedi.

Jer serigi ǵaryshtyq zertteýler júrgizýge, spýtnıkten túsirilgen fotosýret negizinde áldeqaıda naqtyraq geografııalyq kartalar  jasaýǵa, sondaı-aq kútpegen apattardyń aldyn alýǵa  kómektesedi.

«Majalaı» spýtnıgin Mońǵol memlekettik ýnıversıteti ǵalymdary men  stýdentteri Kıýsıý japon tehnologııalyq ýnıversıtetimen birlesip jasady.

Joba músheleriniń aıtýynsha, ekinshi mońǵol serigin ushyrýdy júzege asyrý 2019 jylǵa josparlanyp otyr.