Mońǵolııa eliniń boksshylary Astanaǵa at basyn burdy

ASTANA. KAZINFORM – Áýesqoı bokstan álem kýboginde baq synaıtyn Mońǵolııa eliniń boksshylary Astanaǵa keldi.

QR Boks federatsııasynyń málimetinshe, Mońǵolııa boksshylarynyń qatarynda qandasymyz Beknur Qalıuly bar. Ol asa aýyr salmaqta Mońǵolııa namysyn qorǵaıdy.

Beknur Qalıuly 2024 jyly Azııa chempıonatynda qola, álem kýboginde kúmis júldege ıe bolǵan.

Sonymen qatar áıelder sapynda álem chempıonatynyń qola júldegeri Enhjargal Móngóntsetseg bar.

Aıta keteıik, World Boxing uıymdastyrýymen álem kýbogi elimizde birinshi ret ótkeli jatyr.

Baıraqty básekege 30 memleketten 300-ge jýyq sportshy ózara myqtyny anyqtaıdy.

Buǵan deıin Astanaǵa Ońtústik Koreıanyń bylǵary qolǵap sheberleri kelgenin jazǵan bolatynbyz.