Móldir Jańbyrbaı karateden Mysyrdaǵy týrnırdiń chempıony atandy

ASTANA. KAZINFORM — Qazaqstandyq karateshi Móldir Jańbyrbaı Mysyr astanasy Kaırdaǵy Premer-lıga týrnırinde úzdik shyqty.

Fınalǵa deıin irkilmeı jetken Móldir 50 kelige deıingi salmaqta sońǵy básekede horvatııalyq Ema Sgardellıdi tize búktirdi. 

Osylaısha, álem chempıony M.Jańbyrdaı qatarynan úshinshi Premer-lıga jarysynda júlde aldy. Buǵan deıin ol Parıjde qola, Hanchjoýda kúmis alǵan edi.

Sóıtip M.Jańbyrbaı Premer-lıga sanatyndaǵy reıtıngide kósh basyndaǵy ornyn nyǵaıta tústi.

Eske sala keteıik, budan buryn Túrkııadaǵy týrnırde Móldir Jańbyrbaıdyń chempıon atanǵanyn jazǵan bolatynbyz.