Moldovanyń OSK referendýmnyń sońǵy qorytyndysyn bekitti

ASTANA. KAZINFORM – Moldovanyń Ortalyq saılaý komıssııasy (OSK) 20 qazanda ótken EO-ǵa qosylý týraly referendýmnyń qorytyndysyn maquldady. Onda pikir aıyrmashylyǵy eýroıntegratsııany jaqtaýshylar paıdasyna 0,7 paıyz bolǵan. Bul týraly sheshim vedomstvonyń baspasóz qyzmeti taratqan juma kúni ótken jıynda qabyldandy, dep habarlaıdy TASS aqparat agenttigi. 

«Konstıtýtsııalyq referendýmǵa saılaýshylardyń qatysýy qajetti sharttarǵa sáıkes boldy. Ony 749 719 saılaýshy jaqtap, 739 155-i qarsy daýys berdi. Barlyǵy 1 488 874 bıýlleten jaramdy dep tanyldy», - dep oqydy qaýly jobasyn OSK tóraıymy Andjelıka Karaman.

Ol biraýyzdan qabyldandy. Sońǵy málimetke sáıkes, saılaýǵa qatysý 50,72 paıyz. 50,35% jaqtap, 49,65% qarsy daýys berdi. Daýystardy sanaý hattamasy, sondaı-aq referendýmdy uıymdastyrý men ótkizý týraly OSK esebi Konstıtýtsııalyq Sotqa bekitýge jiberiledi.

Referendým Moldovadaǵy prezıdent saılaýymen qatar ótti. Moldova-news.com atap ótkendeı, barlyq hattamalardy óńdeý nátıjeleri boıynsha qazirgi prezıdent Maııa Sandý 42,45%, burynǵy bas prokýror Aleksandr Stoıanoglo 25,98% daýys jınady. Olar 3 qarashada ótetin ekinshi týrǵa ótti.