Moldova prezıdentine COVID-19 dıagnozy qoıyldy
KIShINEV. KAZINFORM – El prezıdenti Maııa Sandý Moldovanyń Táýelsizdik kúnin merekeleýge qatyspaıdy, dep jazady Anadoly.
Moldova prezıdenti Maııa Sandýǵa koronavırýstyń jańa túri (COVID-19) dıagnozy qoıyldy. Bul týraly memleket basshysy dúısenbi, 26 tamyzda áleýmettik jeliler arqyly vıdeoúndeýinde málimdegen.
Prezıdent Moldovanyń Táýelsizdik kúnine arnalǵan sharalarǵa qatysa almaıtynyna ókinish bildirdi.
«Qurmetti dostar, qurmetti azamattar. Ókinishke qaraı, men COVID-pen aýyrdym jáne búgin nemese erteń qoǵamdyq sharalarǵa qatysa almaımyn. Men ózimdi jaqsy sezinemin jáne ádettegiden sál sharshaýdan basqa belgileri joq. Táýekel týǵyzbaý úshin men aldaǵy birneshe kúnde oqshaýlanamyn», – dedi Sandý.
Memleket basshysy otandastaryna «COVID joıylmaǵanyn» eske salyp, ınfektsııa bar degen kúdik týsa, tekserýden ótip, dárigerge qaralýǵa shaqyrdy.
Moldova Respýblıkasynyń Táýelsizdik kúnin merekeleýge arnalǵan barlyq is-sharalar belgilengen baǵdarlamaǵa sáıkes jalǵasady.
Aıta keteıik, ótken jyly Moldova prezıdentiniń ıti Avstrııa prezıdentin qaýyp alǵan edi. Saldarynan Avstrııa basshysy Van der Bellen qujattarǵa qoly baılaýly kúıinde qol qoıdy.
