Mobıldik aýdarymdar týraly túbegeıli sheshim qashan qabyldanady

ASTANA. KAZINFORM – Qarjy mınıstriniń orynbasary Erjan Birjanov mobıldik aýdarymdardyń shegi týraly sheshim jańa Salyq kodeksi Senat maquldaýynan ótkennen keıin qabyldanatynyn aıttty.

— Biz jańa salyq kodeksinde Ulttyq bankpen birlesip áreket etýge baǵyttalǵan jańashyldyqtar engizip otyrmyz. Depýtattar maquldady. Senat kodeksti maquldaǵannan keıin Ulttyq bankpen birlesken buıryq jarııalaımyz dep oılaımyn. Jalpy negizgi tásilder aıqyndalǵan. Buǵan deıin de aıtqanbyz. 3 aı qatarynan 100 tulǵadan aýdarym qabyldasa, aýdarymdar somasy 12 eselengen eń tómengi aılyqtan, ıaǵnı, búgingi ólshemmen 1 mln teńgeden assa, kásipkerlik áreket bolyp esepteledi, — dedi ol Májilis kýlýarynda. 

Vıtse-mınıstr 2024 jyly jasalǵan aýdarymdardyń derekterin bıyl mamyr, maýsym aılarynda alatyndaryn aıtty. Mobıldik aýdarymdar týraly naqty sheshim de osy kezge deıin qabyldaný kerek.

Aıta keteıik, búgin Májilis Salyq kodeksin qabyldady.