Mysyrdaǵy Nil ózeninde 200 týrıst mingen keme órtendi

ASTANA. KAZINFORM — Mysyrdaǵy Nil ózeninde týrıstik krýız kemesi órtenip, 200-den astam demalýshy evakýatsııalandy, dep habarlaıdy Daily Mail basylymy.

Basylym málimetinshe, órt 28 qazan kúni jergilikti ýaqyt boıynsha 18:15 shamasynda shyqqan. Ot birinshi qabatty tolyq qamtyp, kaıýtalardy túgel kúlge aınaldyrǵan. Keme qyzmetkerleri tótenshe sıgnal berip, jolaýshylardy joǵarǵy palýbaǵa kóshirgen.

A massive fire🔥 broke out on a Nile River cruise ship in Upper Egypt carrying 220 tourists - all of whom were rescued. pic.twitter.com/Hr9wbqFDWk

— Vijesti (@Vijesti11111) October 29, 2025

Laıner Esna qalasyna jaqyn jerdegi beıresmı turaqqa dereý jetkizilgen. Kemede shamamen ártúrli elden kelgen 220 týrıst bolǵan. Qaza tapqandar nemese jaraqat alǵandar týraly aqparat joq.

Órt kezinde týrıster 12 kúndik Nil ózeni krýıziniń birinshi kúninde bolǵan. Prokýratýra tergeý bastady, aldyn ala boljam boıynsha órttiń sebebi keme ashanasyndaǵy qysqa tuıyqtalý bolýy múmkin.

Eske sala keteıik, Indonezııada munaı tankerinde bolǵan órtten 10 adam qaza tapqanyn jazdyq.