Mysyrda jol apatynan 7 adam qaza taýyp, 25-i zardap shekti

Seısenbi kúni Mysyrdyń ońtústigindegi El-Mınıa mýhafazasynyń jolynda avtobýstyń qatysýymen bolǵan jol-kólik apaty saldarynan 7 adam qaza taýyp, 25 adam jaraqat aldy. Kazinform bul týraly Sınhýa aqparat agenttigine silteme jasap habarlaıdy. 

Ahram Online memlekettik jańalyqtar saıtynyń jazýynsha, tańerteńgi qoıý tumannan jol durys kórinbeı, avtobýs trotýarǵa soǵylyp, aýdarylyp qalǵan. 

Oqıǵa ornyna dereý jedel járdem baryp, zardap shekkender jaqyn mańdaǵy aýrýhanalarǵa jetkizildi. Prokýratýra oqıǵaǵa qatysty tergeý amaldaryn bastady.